विशेष सहा योगात आलीय अक्षय्य तृतीया; घर, सोने खरेदीसाठी सकाळपासूनच आहेत मुहूर्त

नवी दिल्ली, 31 मार्च : अक्षय्य तृतीया दरवर्षी वैशाख महिन्यातील शुक्ल पक्षाच्या तिसऱ्या दिवशी साजरी केली जाते. अक्षय्य तृतीया म्हणजे ज्याचा क्षय होत नाही ती तृतीया तिथी. अक्षय्य तृतीयेला आखा तीज असेही म्हणतात. अक्षय्य तृतीयेच्या मुहूर्तावर लग्न करणे, सोने, वाहन, घर इत्यादी खरेदी करणे अतिशय शुभ मानले जाते. या दिवशी या कामांसाठी शुभ मुहूर्त किंवा पंचांग पाहण्याची गरज नाही. अक्षय्य तृतीयेला दिवसभर अबुझा मुहूर्त असतो. यावर्षी अक्षय्य तृतीयेला 6 योगांची निर्मिती झाल्यामुळे 'महायोग' तयार होत आहे, ज्यामुळे हा दिवस अधिक शुभ आहे. अक्षय्य तृतीयेलाही माता लक्ष्मीची पूजा करण्याची परंपरा आहे.

अक्षय्य तृतीया 2023 -

तिरुपतीचे ज्योतिषी डॉ. कृष्णकुमार भार्गव सांगतात की, यावर्षी वैशाख मासातील शुक्ल पक्षातील तृतीया तिथी शनिवार, 22 एप्रिल रोजी सकाळी 07.49 पासून सुरू होत आहे. ही तिथी दुसऱ्या दिवशी 23 एप्रिल रोजी सकाळी 07.47 पर्यंत आहे. यावर्षी अक्षय्य तृतीया 22 एप्रिल 2023 रोजी आहे.

अक्षय्य तृतीया 2023 पूजा मुहूर्त -

अक्षय्य तृतीयेच्या दिवशी पूजेचा शुभ मुहूर्त 07.49 ते दुपारी 12.20 पर्यंत आहे. अक्षय्य तृतीयेला पूजेचा शुभ मुहूर्त साडेचार तासांचा असतो.

अक्षय्य तृतीयेला 6 शुभ योगांसह 'महायोग' -

22 एप्रिल रोजी अक्षय्य तृतीयेच्या दिवशी 6 शुभ योग तयार होत असून त्या दिवशी 'महायोग' आहे. अक्षय्य तृतीयेला आयुष्मान योग पहाटेपासून सकाळी 09.26 पर्यंत आहे, त्यानंतर सौभाग्य योग सुरू होईल, जो संपूर्ण रात्रभर चालेल.

अक्षय्य तृतीयेला त्रिपुष्कर योग पहाटे 05.49 ते 07.49 पर्यंत आहे. रात्री 11:24 ते दुसऱ्या दिवशी सकाळी 05:48 पर्यंत रवि योग आहे. यासोबतच सर्वार्थ सिद्धी योग आणि अमृत सिद्धी योग रात्री 11.24 ते दुसऱ्या दिवशी पहाटे 05.48 पर्यंत राहील.

अक्षय्य तृतीया 2023 सोने खरेदीचा शुभ मुहूर्त -

22 एप्रिल रोजी अक्षय्य तृतीयेला सोने खरेदीचा शुभ मुहूर्त सकाळी 07.49 पासून सुरू होत आहे. दुसऱ्या दिवशी सकाळी 05:48 पर्यंत आहे. या दिवशी सोने खरेदीचा शुभ मुहूर्त 22 तासांचा असतो.

सर्व शुभ कार्यांसाठी शुभ दिन -

ज्योतिषाचार्य भार्गव यांच्या मते अक्षय्य तृतीयेच्या दिवशी सर्व शुभ कार्ये करता येतात. या दिवशी संपूर्ण दिवस शुभ मुहूर्त राहतो. शुभ मुहूर्त न पाहता तुम्ही कार्य करू शकता, दिवसभर स्वयं सिद्ध मुहूर्त असतो.

हे वाचा - रामचरितमानसच्या या ओव्यांमध्ये दिव्य शक्ती; रामाची होईल कृपा, वाढेल आत्मविश्वास

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)