प्रॉपर्टीची, आर्थिक कामं होणार की अडणार? राशीनुसार जून महिना कोणासाठी कसा असणार

मुंबई, 25 मे : जून 2023 मध्ये सूर्य आणि बुध या दोन मोठ्या ग्रहांच्या राशी बदलणार आहेत. जूनमध्ये बुध ग्रह दोनदा राशी बदलेल, तर ग्रहांचा राजा सूर्य एकदा राशी बदलेल. याशिवाय, न्यायदेवता शनी जूनमध्येच कुंभ राशीत वक्री होणार आहे. शनिची 140 दिवस वक्री चाल असेल, ज्यामुळे सर्व 12 राशींवर परिणाम होईल. बुध जूनमध्ये अस्ताला जाईल, 22 दिवसांच्या अस्तानंतर जुलैमध्ये बुधाचा उदय होईल. ग्रहांच्या बदलामुळे 3 राशीच्या लोकांसाठी जून महिना शुभ राहील. त्यांच्यासाठी चांगले दिवस सुरू होतील. ज्योतिषी डॉ. कृष्णकुमार भार्गव यांच्याकडून जूनमध्ये होणाऱ्या ग्रहांच्या राशी बदल आणि भाग्यशाली राशींबद्दल जाणून घेऊ.

जून 2023 मध्ये ग्रहांचे राशीचक्र बदल

1. बुध संक्रमण 2023: बुध 7 जून रोजी संध्याकाळी 7.58 वाजता ते वृषभ राशीत प्रवेश करेल.

2. सूर्य संक्रमण 2023: सूर्य 15 जून रोजी संध्याकाळी 06.29 वाजता मिथुन राशीत प्रवेश करेल.

3. बुध संक्रमण 2023: बुध 24 जून रोजी दुपारी 12.48 वाजता मिथुन राशीत प्रवेश करेल.

4. शनि वक्री 2023: 17 जून, रात्री 10.56 वाजता, कुंभ राशीत शनी वक्री होईल.

5. बुधाचा अस्त : 21 जून, सकाळी 04:35 वाजता, वृषभ राशीत.

बुध संक्रमण 2023

7 जून रोजी बुध ग्रह आपली राशी बदलणार आहे. बुध 7 जून रोजी संध्याकाळी 07:58 वाजता वृषभ राशीत प्रवेश करेल. सध्या बुध मेष राशीत असून त्याने 31 मार्च रोजी दुपारी 03:01 वाजता मेष राशीत प्रवेश केला होता. 7 जून ते 23 जून या कालावधीत बुध ग्रह वृषभ राशीत असेल. त्यानंतर जूनमध्येच बुधाचा दुसरे राशी परिवर्तन 24 जून रोजी दुपारी 12:48 वाजता होईल. या दिवशी बुध मिथुन राशीत प्रवेश करेल. तेव्हापासून 8 जुलैपर्यंत बुध मिथुन राशीत राहील. त्याच दिवशी दुपारी कर्क राशीत संक्रमण होईल.

सूर्य संक्रमण 2023

ग्रहांचा राजा सूर्याचे संक्रमण दर महिन्यातून एकदा होते. 15 जून रोजी संध्याकाळी 06:29 वाजता सूर्य वृषभ राशीतून मिथुन राशीत प्रवेश करेल. ज्या क्षणी सूर्य मिथुन राशीत प्रवेश करेल त्याच वेळी सूर्याची मिथुन संक्रांती होईल. 15 जून ते 14 मे पर्यंत सूर्य मिथुन राशीत असेल, त्यानंतर 15 जुलै रोजी सकाळी 05:19 वाजता कर्क राशीत प्रवेश करेल.

स्वप्नात तुम्हाला पैसा दिसतोय? लवकरच अशा घडणाऱ्या घटनांचे संकेत असतात ते

कुंभ राशीमध्ये शनी वक्री -

शनि कुंभ राशीत आहे. जूनच्या मध्यात शनीची उलटी चाल सुरू होईल. 17 जून रोजी रात्री 10:56 वाजता शनी कुंभ राशीत वक्री होईल. यानंतर शनि 140 दिवस उलटी चाल करेल. ग्रहांच्या वक्री स्थितीत अधिक अशुभ परिणाम मिळू शकतात. यावर्षी 4 नोव्हेंबर, शनिवारी दुपारी 12.31 वाजता शनीची वक्री स्थिती संपेल. या दिवसापासून शनि अनेकांच्या मार्गातून निघून जाईल. त्या दिवसापासून शनीचा प्रभाव अधिक सकारात्मक होईल.

बुध संक्रमण 2023

वृषभ राशीत असताना बुध 21 जून रोजी पहाटे 04.35 वाजता अस्त होईल. बुधाच्या अस्ताचा प्रभाव सर्व 12 राशींवर राहील. 24 जूनला अस्तानंतरच बुध मिथुन राशीत प्रवेश करेल. त्यानंतर 12 जुलै रोजी रात्री 08.14 वाजता बुध मिथुन राशीत उदयाला येईल. अशा प्रकारे बुध 22 अस्त स्थितीत राहील.

या दोन अंकांच्या आवडी-निवडींमध्ये बरंच असतं साम्य; म्हणून लग्नाचा निर्णय..? नको

जून 2023 मधील भाग्यशाली राशी

जूनमध्ये दोन मोठ्या ग्रहांचे राशी बदल, शनीची वक्री स्थिती आणि बुधाचा अस्त काळ यामुळे सर्व राशींवर शुभ-अशुभ प्रभाव निश्चित पडणार आहे. ज्योतिषशास्त्राच्या आधारावर वृषभ, सिंह आणि धनु राशीच्या लोकांसाठी जून 2023 चांगला राहील. या राशीच्या लोकांना नशिबाची साथ मिळेल आणि करिअरमध्ये प्रगतीच्या अनेक संधी मिळतील. नवीन नोकरीची ऑफर मिळेल. उत्पन्न वाढू शकते आणि नोकरदारांना बढती मिळण्याची शक्यता आहे. व्यवसायासाठीही काळ अनुकूल राहील.