Home /News /pune /

3 वर्षीय बहिणीसोबत भावाचं घृणास्पद कृत्य; YouTube व्हिडीओ पाहून द्यायचा नरक यातना, पिंपरीतील घटना

3 वर्षीय बहिणीसोबत भावाचं घृणास्पद कृत्य; YouTube व्हिडीओ पाहून द्यायचा नरक यातना, पिंपरीतील घटना

Crime in Pimpri: पुण्यानजीक असणाऱ्या चिंचवड परिसरात बहीण-भावाच्या पवित्र नात्याला काळिमा फासणारी घटना समोर आली आहे. येथील एका मुलाने आपल्या अल्पवयीन बहिणीसोबत विकृत कृत्य केलं आहे.

    पिंपरी, 05 डिसेंबर: पुण्यानजीक (Pune) असणाऱ्या पिंपरी-चिंचवड (Pimpri-Chinchwad) परिसरात बहीण-भावाच्या पवित्र नात्याला काळिमा फासणारी घटना समोर आली आहे. येथील एका अल्पवयीन मुलाने युट्यूब व्हिडीओ पाहून आपल्या तीन वर्षीय चिमुकल्या बहिणीवर लैंगिक अत्याचार केला (watched youtube videos and raped minor sister) आहे. पीडित मुलीची प्रकृती बिघडल्यानंतर संबंधित प्रकार उघडकीस आला आहे. हा धक्कादायक प्रकार उघडकीस आल्यानंतर, भोसरी पोलीस ठाण्यात गुन्हा दाखल (FIR lodged) करण्यात आला आहे. पोलिसांनी अल्पवयीन आरोपी भावाला ताब्यात घेतलं आहे. पुढील कारवाई केली जात आहे. पोलिसांनी दिलेल्या माहितीनुसार, संबंधित कुटुंब हे परराज्यातील असून पोट भरण्यासाठी ते पिंपरी चिंचवड भागात राहायला आले आहेत. पीडित मुलीचे आणि आरोपी मुलाचे आई वडील मजुरीचं काम करतात. ते दररोज कामानिमित्त घराबाहेर जातात. त्यामुळे तीन वर्षीय चिमुकलीचा सांभाळ तिचा भाऊच करायचा. दरम्यान आरोपी भाऊ वडिलांच्या मोबाईलवर अनेकदा अश्लील व्हिडीओ पाहायचा. यातूनच आरोपी भावानं ऑगस्ट महिन्यात आपल्या तीन वर्षीय सख्ख्या बहिणीवर लैंगिक अत्याचार केला आहे. हेही वाचा-GFकडून फसवणूक अन् मामाकडून धमकी, प्रेमात खच्चीकरण झालेल्या तरुणाचा शेवट वाईट दरम्यान पीडित मुलीच्या आईला कोरोना विषाणूची लागण झाल्याने त्या आपल्या मूळगावी गेल्या. त्याठिकाणी गेल्या असता, पीडित मुलीची प्रकृती बिघडली. तिला रुग्णालयात दाखल केल्यानंतर डॉक्टरांनी औषधोपचार करून घरी पाठवलं. त्यानंतर काही दिवसांनी पीडित मुलगी आपल्या आईसह पुन्हा पिंपरी चिंचवड मध्ये परत आली. त्यानंतरही पीडित मुलीची प्रकृती बिघडली. हेही वाचा-हनिमूनच्या रात्रीच दिल्या नरक यातना; मित्रांसह पतीचं नवविवाहितेसोबत विकृत कृत्य त्यामुळे तिला पिंपरी येथील शासकीय रुग्णालयात दाखल केलं असता, तिच्यावर लैंगिक अत्याचार झाल्याचं निष्पन्न झालं आहे. पीडित मुलगी वारंवार 'भैय्याने मेरे साथ गंदा काम किया' असं म्हणत असल्याने पीडितेच्या आई वडिलांचा संशय बळावला. याप्रकरणी भोसरी पोलीस ठाण्यात गुन्हा दाखल करण्यात आला आहे. पोलिसांनी अल्पवयीन आरोपी भावाला अटक केली असून घटनेचा पुढील तपास केला जात आहे.
    Published by:News18 Desk
    First published:

    Tags: Crime news, Pimpri chinchawad, Pune, Rape on minor

    पुढील बातम्या