चोरांना पाहून पळाले पोलीस, पुण्यातील घटना, पाहा हा VIDEO

चोरांना पाहून पळाले पोलीस, पुण्यातील घटना, पाहा हा VIDEO

4 बंद असणाऱ्या फ्लॅटचे कुलूप चोरांनी तोडले व एका फ्लॅटचे कुलूप तोडत असताना लोकांचा आवाज ऐकून चोरटे पळू लागले.

  • Share this:

पुणे, 29 डिसेंबर : राज्याची सांस्कृतिक नगरी असलेल्या पुणे शहरात दिवसेंदिवस गुन्हेगारीच्या घटनांमध्ये वाढ होताना दिसत आहे.  औंध परिसरात चोरांनी एका घरावर दरोडा टाकला होता. पण, जेव्हा पोलीस दारावर पोहोचले होते, तेव्हा चोरांना पाहून घटनास्थळावरून पळ काढला. या घटनेचा सीसीटीव्ही व्हिडीओ समोर आला आहे.

पुणे शहराच्या औंध मधील सिद्धार्थनगर भागातील शैलेश टॉवर सोसायटीमध्ये 28 डिसेंबर रोजी ही घटना घडली. पहाटे 3 च्या सुमारास 4 चोरटे धारदार शस्त्र घेऊन सोसायटीत घुसले. सोसायटीत शिरल्यानंतर  वॉचमनला 2 जणांनी चाकू दाखवला व पकडून ठेवले, त्यानंतर दोन जणांनी वरती जाऊन कटरच्या सह्याने फ्लॅटचे कुलूप तोडून चोरी करण्याचा प्रयत्न केला.

रात्री अचानक आवाज झाल्यामुळे चोर आला आहे हे लक्षात आले. सोसायटीमधील एका व्यक्तीने तात्काळ पोलिसांना फोन केला. थोड्याच वेळात पोलीस गाडीवरून   हजरही झाले. त्यांनी चोरांना आलेलं बघितलं ही पण पोलिसांनी स्वतःकडे बंदूक असतांनाही त्यांना पकडण्याचा प्रयत्न करण्याऐवजी पोलिसच पळून गेल्याचे CCTV मध्ये कैद झाले.

4 बंद असणाऱ्या फ्लॅटचे कुलूप चोरांनी तोडले व एका फ्लॅटचे कुलूप तोडत असताना लोकांचा आवाज ऐकून चोरटे पळू लागले.  5 व्या घराचे कुलूप तोडण्यात त्यांना अपयश आले पण सुदैवाने बंद फ्लॅटमध्ये कोणीही राहत नसल्याने त्यांच्या हाती फारस जास्त काही आले नाही.

चोरट्यांनी जाताना फक्त एका घरातील LCD TV चोरला पोलीस तात्काळ घटनास्थळी दाखल होऊन, स्वतः कडे बंदूक असूनही एक पोलीस गाडी वरून पळून जाताना CCTV मध्ये दिसत आहे. त्यांच्या नंतर चोरटे पळाले, त्यांच्याकडे Wireless Phone होते, त्यांनी जर ठरवलं असत तर पोलिसांनी पुढे Massage पाठवून चोरट्यांना तात्काळ पकडू शकले असते.  पण या घटनेत पोलिसांकडून तसे काहीही झालेले दिसले नाही. गुन्हेगारांमध्ये पोलिसांचा धाक राहिलेला नसल्यामुळे देखील पुणे शहरात घरफोड्या व गुन्हेगारी वाढत आहे.

Published by: sachin Salve
First published: December 29, 2020, 11:43 AM IST
Tags:

ताज्या बातम्या

corona virus btn
corona virus btn
Loading