पुण्यात धोका वाढला! कोरोना रुग्णांमध्ये आतापर्यंतची सर्वात मोठी वाढ

पुण्यात धोका वाढला! कोरोना रुग्णांमध्ये आतापर्यंतची सर्वात मोठी वाढ

मुंबई आणि पुणे या दोन महत्त्वाच्या शहरांना कोरोनाचा विळखा पडला आहे.

  • Share this:

पुणे, 15 मे : महाराष्ट्रातील कोरोनाबाधित रुग्णांची संख्या सातत्याने वाढत आहे. त्यातच मुंबई आणि पुणे या दोन महत्त्वाच्या शहरांना कोरोनाचा विळखा पडला आहे. अशातच पुण्यातून आणखी एक चिंता वाढवणारी माहिती समोर आली आहे. कारण काल गुरुवारी पुणे जिल्ह्यात तब्बल 194 जणांना कोरोनाची लागण झाल्याची माहिती समोर आली आहे. पुण्यात एकाच दिवशी आढळलेले हे आतापर्यंतचे सर्वाधिक रुग्ण आहेत.

पुणे जिल्ह्यातील कोरोनाबाधित रुग्णांची एकूण संख्या आता 3455 वर पोहचली आहे. तर गुरुवारी पुण्यात कोरोनाचे 109 रुग्ण बरे होऊन घरी परतले आहेत. लॉकडाऊनचा तिसरा टप्पा संपण्यास काही दिवसच बाकी असताना पुण्यातील रुग्णसंख्या वाढतच असल्याने चिंता व्यक्त करण्यात येत आहे.

दरम्यान, पिंपरी चिंचवड भागातील उद्योग सुरू करण्यास परवानगी देण्यात आली आहे. नव्या अधिसूचनेनुसार रेड झोनमध्ये मर्यादित प्रमाणात उद्योग सुरू करण्याची तसेच बांधकाम करण्याची परवानगी देण्यात आली असली तरीही मुंबई आणि पुणे महानगर प्रदेशात ही परवानगी नव्हती. यामधून पिंपरी चिंचवड महानगरपालिका वगळण्यात आल्याचे मुख्य सचिव अजोय मेहता यांनी आदेशित केले आहे.

राज्यातील कोव्हिड 19 चा प्रभाव असलेले कंटेन्टमेंट झोन वगळता इतर भागातील उद्योग सुरू करण्यास राज्य शासनाने मान्यता दिली होती. कोव्हिड 19 संदर्भात प्रतिबंधात्मक उपाय योजनांकरिता रुग्णांच्या संख्येच्या आधारावर तीन भाग करण्यात आले आहेत – रेड, ऑरेंज आणि ग्रीन. रेड झोनमध्ये दोन भाग आहेत – पहिला मुंबई महानगर प्रदेश, पुणे महानगर प्रदेश आणि मालेगाव महापालिका हा एक भाग आणि दुसरा रेड झोनमधील उर्वरित भाग. पुणे महानगर प्रदेश मधून पिंपरी चिंचवड महानगरपालिका वगळण्यात आली असल्याचे आदेशात नमूद करण्यात आले आहे.

कोव्हिड 19 चा प्रादुर्भाव रोखण्यासाठी केंद्र शासनाने लॉकडाऊन 17 मे पर्यंत वाढविल्यानंतर राज्य शासनाच्या वतीने सुधारित नियमावली जारी करण्यात आली आहे. त्यात नमूद केले आहे की, केंद्र शासनाने राज्यातील 14 जिल्हे हे रेडझोनमध्ये समाविष्ट केले आहेत. याशिवाय राज्य शासनाने मुंबई महानगर प्रदेशातील सर्व महानगरपालिका हद्द, पुणे महानगरप्रदेशातील सर्व महानगरपालिका व मालेगाव महापालिका हद्दीचा समावेश रेडझोनमध्ये केला आहे. यातून पिंपरी चिंचवड महानगरपालिका वगळण्यात आली असल्याचे आदेशात स्पष्ट करण्यात आले आहे. केंद्र शासनाने ऑरेंज व ग्रीन झोनमध्ये काही अपवाद वगळता बहुतेक निर्बंध शिथिल केले आहेत.

हेही वाचा - वाटेतच बाप गमावला, मुंबईतून कोकणात निघालेल्या मुलांच्या डोळ्यासमोरच छत्र हरपलं!

ग्रीन व ऑरेंज झोनमधील खासगी कार्यालये 100 टक्के सुरू करण्यास परवानगी देण्यात आली आहे. मात्र, मुंबई (एमएमआर) व पुणे प्रदेश (पीएमआर) मधील पिंपरी चिंचवड महानगरपालिका वगळता खासगी कार्यालये बंदच राहणार असून येथील केंद्र व राज्य शासनाची कार्यालये ही 5 टक्के कर्मचाऱ्यांसह सुरू राहतील. तर इतर रेड झोनमधील शासकीय व खासगी कार्यालये ही 33 टक्के मनुष्यबळ वापरून सुरू राहतील, असेही शासनाने स्पष्ट केले आहे. रेड झोनमधील कंन्टेंटमेंट झोन वगळता बाकीच्या सर्व झोनमध्ये इ कॉमर्स कंपन्यांना जीवनावश्यक वस्तूंची विक्री करण्यास परवानगी दिली असल्याचेही शासनाने स्पष्ट केले आहे.

पिंपरी चिंचवड महानगरपालिका क्षेत्रातील परवानगी मिळालेल्या उद्योग, औद्योगिक आस्थापनांनी 33 टक्के कामगारांच्या उपस्थितीची अट पाळणे बंधनकारक आहे. हे सर्व कामगार पिंपरी चिंचवड महानगरपालिका क्षेत्रात राहणारे असावेत, त्यांच्या प्रवासासाठी डेडिकेटेड वाहतूक सुविधा उपलब्ध करून दिली पाहिजे किंवा ते आपल्या चार चाकी वाहनाने प्रवास करू शकतील, असेही आदेशात स्पष्ट करण्यात आले आहे.

संपादन - अक्षय शितोळे

First published: May 15, 2020, 10:19 AM IST

ताज्या बातम्या

corona virus btn
corona virus btn
Loading