पुण्याच्या महिला सायकलपटूचं World Record! 6000 किमी अंतर अवघ्या 24 दिवसांत पार करून गिनीज बुकात नोंद

पुणे, 24 मार्च: पुण्यातील प्रीती म्हस्के (Preeti Mhaske) नावाच्या महिला सायकलपटूने (Pune woman Cyclist world record) मुंबई- चेन्नई- कोलकत्ता- दिल्ली आणि परत मुंबई असा सुमारे 6000 किलोमीटरचा प्रवास सायकलने पार करत विश्वविक्रमाला (Guinness world record) गवसणी घातली आहे.  त्यांनी हे अंतर अवघ्या 24 दिवस 6 तासांत पूर्ण करून नवीन विक्रम प्रस्थापित केला आहे. आज या विक्रमाची नोंद गिनीज बुक ऑफ वर्ल्ड रेकॉर्डमध्ये करण्यात आली आहे. मुंबई- चेन्नई- कोलकत्ता- दिल्ली - मुंबई या प्रवास मार्गाला Indian Golden Quadrilateral म्हणून ओळखलं जातं. हे 6000 किमीचं अंतर पूर्ण करणाऱ्या प्रीती म्हस्के या जगातली पहिली आणि एकमेव महिला ठरल्या आहेत.

यापूर्वी फक्त दोन पुरुष सायकलपटूंनी हा अक्रॉस द इंडिया लाँग सायकल ट्रॅक पूर्ण केला होता. प्रीती म्हस्के यांनी 27 फेब्रुवारी रोजी सकाळी 6.50 वाजता या प्रवासाला सुरुवात केली होती. त्यांनी हा 6000 किमीचा सायकल प्रवास आज 23 मार्च रोजी दुपारी 1 वाजता पूर्ण केला आहे. 43 वर्षीय प्रीती म्हस्के या अल्ट्रा रनर, सायकलिस्ट आणि ट्रेकरही आहेत. यापूर्वी त्यांनी एव्हरेस्ट बेस कॅम्प हा अवघड ट्रेक पूर्ण केला आहे. त्याचबरोबर मुंबई ते पुणे रनिंगही केलं आहे.

IND vs ENG : विक्रमी खेळीनंतर कृणाल भाऊ हार्दिकच्या मिठीत ढसाढसा रडला

हे ही वाचा - IND vs ENG : विराटचं अर्धशतक, आणखी एक वर्ल्ड रेकॉर्ड खिशात!

सायकलिंगमध्ये प्रीती म्हस्के यांनी अनेक पराक्रम आपल्या नावावर नोंदवले आहेत. गेल्या वर्षी त्यांनी कश्मीर ते कन्याकुमारी हे 3800 किलोमीटरचं अंतर सायकलवरून अवघ्या 18 दिवसात पूर्ण केलं होतं. त्यानंतर यावर्षी प्रीती यांनी देशातली 4 महत्त्वाच्या शहरांना जोडणारा 6 हजार किमीचा गोल्डन रन पूर्ण केला आहे. दरम्यान त्यांना ऊन, वारा, पाऊस, वाहतूक कोंडीचा अशा सर्व प्रकराच्या अडथळ्यांचा सामना करावा लागला आहे. या प्रवासात त्यांच्या देखभालीसाठी एक एक्सपर्ट टिमही होती.