पुण्यातील मन सुन्न करणारी घटना, बहिणीच्या मुलीलाच मावशीने दाखवले पॉर्न व्हिडिओ!

पुण्यातील मन सुन्न करणारी घटना, बहिणीच्या मुलीलाच मावशीने दाखवले पॉर्न व्हिडिओ!

लॉकडाउनच्या काळात पुण्यातील कोंढवा परिसरात ही घटना घडली.

  • Share this:

पुणे, 11 ऑगस्ट : महाराष्ट्राची सांस्कृतिक राजधानी म्हणून ओळख असलेल्या पुण्यात नात्याला काळीमा फासणारी घटना घडली आहे. आपल्या बहिणीच्या मुलीला तिच्या प्रियकराच्या मदतीने बळजबरीने पोर्न व्हिडिओ दाखवल्याप्रकरणी एका मावशीला अटक करण्यात आली आहे. आरोपी महिलेच्या प्रियकरालाही अटक केली आहे.

लॉकडाउनच्या काळात पुण्यातील कोंढवा परिसरात ही घटना घडली. एप्रिल महिन्यात लॉकडाउन लागू झाल्यामुळे पीडित अल्पवयीन मुलीला तिच्या आईने आपल्या बहिणीकडे राहण्यासाठी सोडले होते. या काळात आरोपी महिलेनं आपल्या बहिणीच्या मुलीलाच जबरदस्तीने पोर्न व्हिडिओ दाखवले होते.

बायकोचा असाही धाक, घरात झाली 50 लाखांची चोरी सांगितली 5 लाख; हुशार चोरही 5 वर्षांनंतर

आपल्या घरी परतल्यानंतर पीडित मुलीने सगळी हकीकत आपल्या आईला सांगितली. आपल्या बहिणीचे असा प्रकार केल्यामुळे तिला जबर धक्का बसला. त्यानंतर पीडित मुलीला घेऊन या महिलेनं  पोलीस स्टेशन गाठले आणि तक्रार दाखल केली. पोलिसांनी पोक्सो कायद्याअंतर्गत बहिणीच्या विरोधात गुन्हा दाखल केला असून दोघांनाही अटक केली आहे.

लॉकडाउनच्या काळात पीडित मुलीला जेव्हा बहिणीच्या घरी सोडले होते. तेव्हा आरोपी महिलेचा प्रियकर हा घरी ये जा करत होता. दोघांनी या पीडित मुलीला जबरदस्ती करत पोर्न व्हिडिओ दाखवले. आधीच लॉकडाउन असल्यामुळे बाहेर पडायचं आणि कुणाला काय सांगायचं असा प्रश्न पीडितेला पडला होता. त्यामुळे आरोपी मावशी आणि तिच्या प्रियकराने तिच्यावर सतत अत्याचार केले. काही दिवस त्यांचा हा अत्याचार सहन केल्यानंतर पीडित मुलगी आपल्या घरी परतली तेव्हा सगळा प्रकार आईला सांगितला.

पोलिसांनी अटक केल्यानंतर आरोपी महिला आणि तिच्या प्रियकराला पोलिसांनी खाक्या दाखवताच गुन्हा कबूल केला. अटक केल्यानंतर खबरदारी म्हणून पोलिसांनी या दोघांची कोरोनाचा चाचणी केली असता दोघांचेही रिपोर्ट पॉझिटिव्ह आले आहे.

महेंद्रसिंग धोनी दुसऱ्यांदा झाला बाबा? साक्षीच्या PHOTO मुळे चाहते संभ्रमात

कोरोनाचा रिपोर्ट पॉझिटिव्ह आल्यामुळे दोघांना कारागृहात पाठवता आले नाही. या दोघांना सध्या रुग्णालयात दाखल करण्यात आले आहे. दोघांचेही रिपोर्ट निगेटिव्ह आल्यानंतर दोघांचीही रवानगी तरुंगात करण्यात येणार आहे.

बहिणीचे आपल्या मुलीसोबत अत्यंत खालच्या पातळीचे वर्तन केल्यामुळे पीडितेच्या कुटु्ंबीयांमध्ये तीव्र संताप आहे. नातेवाईकांनीही मावशीच्या या काळ्या कृत्यावर तीव्र संताप व्यक्त केला असून कडक शिक्षा द्यावी, अशी मागणी पोलिसांकडे केली आहे.

Published by: sachin Salve
First published: August 11, 2020, 11:40 AM IST

ताज्या बातम्या

corona virus btn
corona virus btn
Loading