S M L

पुणे: 12 नामांकित बार-हुक्का पार्लरवर धाडी, 6 हजाराहून जास्त तरुण पार्टीत धुंद

पुण्यात गुन्हे शाखेनं तब्बल 12 नामांकित स्टार हॉटेल्स आणि हुक्का पार्लरवर धाडी टाकल्या आहेत.

Updated On: Aug 12, 2018 04:34 PM IST

पुणे: 12 नामांकित बार-हुक्का पार्लरवर धाडी, 6 हजाराहून जास्त तरुण पार्टीत धुंद

पुणे, 12 ऑगस्ट : पुण्यात गुन्हे शाखेनं तब्बल 12 नामांकित स्टार हॉटेल्स आणि हुक्का पार्लरवर धाडी टाकल्या आहेत. रात्री उशीरापर्यंत ही कारवाई करण्यात आली. यावेळी 6 ते 7 हजार तरुण-तरुणी या ठिकाणी आढळून आलेत. या हॉटेल्स आणि हुक्का पार्लरवर विविध कलमांतर्गत गुन्हे दाखल करण्यात आले आहेत. पोलिसांकडून पहिल्यांदाच हुक्का पार्लरवर एवढी मोठी कारवाई करण्यात आली आहे.

ही कारवाई काल(शनिवार)रात्री एक ते आज रविवार पहाटे चार या कालावधीत करण्यात आली. या हॉटेल्स आणि हुक्का पार्लरवर विविध कलमांतर्गत गुन्हा दाखल करण्यात आला आहे. त्याचबरोबर यात मोठ्या प्रमाणात तरूणाई असल्याचं समोर आलं आहे. त्यामुळे सध्याची तरूणाई कोणत्या मार्गावर भरकटत चालली आहे याचा अंदाज तुम्हा सगळ्यांना आलाच असेल.

गेल्या काही दिवसांआधी नवी मुबंईतही असेच 4 मोठ्या बारवर छापे टाकण्यात आले. यात तब्बल 38 बारबालांना अश्लील चाळे करताना ताब्यात घेण्यात आलं. नवी मुंबईत नवनियुक्त झालेले पोलीस आयुक्त संजय यादव यांनी ही मोठी कारवाई केली होती. यातही तरूणाईचा मोठा सहभाग पहायला मिळाला.

दरम्यान, पुण्यात ही कारवाई कोरेगाव पार्क, मुंढवा, आणि चतुःश्रूंगी पोलीस ठाण्याच्या हद्दीतील मॅकलारेन्स पब, डेली ऑल डे, द बार स्टॉक एक्सचेज, वायकी, नाईट राईडर, नाईट स्काय, वेस्टीन, पेंटाहाऊस, हार्डरॉक, ओकवूड लाँज, ब्ल्यू शॅक, मयामी जे.डब्ल्यू मेरिएट या हॉटेल्स आणि हुक्का पार्लरवर ही कारवाई करण्यात आली आहे.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Aug 12, 2018 03:48 PM IST

लोकप्रिय बातम्या

Live TV

News18 Lokmat
close