• Home
  • »
  • News
  • »
  • pune
  • »
  • Weather Update: अरबी समुद्रात नवं संकट; पुढील 5 दिवस कोकणासह घाट परिसरात मुसळधार पावसाचा इशारा

Weather Update: अरबी समुद्रात नवं संकट; पुढील 5 दिवस कोकणासह घाट परिसरात मुसळधार पावसाचा इशारा

Weather Update Today: हवामान खात्यानं आज दक्षिण कोकणासह घाट परिसर आणि मध्य महाराष्ट्रातील अनेक जिल्ह्यांना येलो अलर्ट (Yellow Alerts) जारी केला आहे.

  • Share this:
    पुणे, 03 ऑक्टोबर: गेल्या दोन दिवसांपासून राज्यात अनेक ठिकाणी मुसळधार पावसानं हजेरी (Rainfall in Maharashtra) लावली आहे. यानंतर आज पुन्हा महाराष्ट्रात अनेक ठिकाणी विजांच्या कडकडाटासह मुसळधार पावसाचा इशारा (Rain alerts in Maharashtra) देण्यात आला आहे. हवामान खात्यानं आज दक्षिण कोकणासह घाट परिसर आणि मध्य महाराष्ट्रातील अनेक जिल्ह्यांना येलो अलर्ट (Yellow Alerts) जारी केला आहे. पुढील काही तासांत याठिकाणी मेघगर्जनेसह जोरदार पावसाची शक्यता आहे. पुढील पाचही दिवस राज्यात हीच परिस्थिती कायम राहणार आहे. अरबी समुद्रात निर्माण झालेलं शाहीनं चक्रीवादळ (Cyclone Shaheen) तीव्र झालं असून त्यानं ओमन देशाच्या किनारपट्टीवर धडकलं आहे. चक्रीवादळ किनापट्टीवर धडकल्यापासून देशात अनेक ठिकाणी पावसानं थैमान घातलं आहे. येथील मस्कटसह अनेक शहरं जलमय झाली असून पुरस्थिती निर्माण झाली आहे. रस्त्यावर मोठ्या प्रमाणात पाणी साचल्याने अनेक वाहनं पाण्यात बुडाली असून नागरिकांचं जनजीवन विस्कळीत झालं आहे. याठिकाणी अद्याप पावसाचा जोर कायम असून अनेक शहरांना धोक्याचा इशारा देण्यात आला आहे. ही संकट कमी होतं म्हणून की काय केरळजवळ अरबी समुद्रात एक नवीन संकट उद्भवण्याची शक्यता आहे. पुढील 48 तासांत याठिकाणी हवेच्या कमी दाबाचा पट्टी सक्रिय होण्याची शक्यता आहे. त्यामुळे पुढील काही दिवस केरळ, गोवा, कर्नाटक आणि महाराष्ट्रात अनेक ठिकाणी मुसळधार पावसाचा इशारा देण्यात आला आहे. दुसरीकडे बिहार आणि उत्तर प्रदेश परिसरात निर्माण झालेलं हवेच्या कमी दाबाचं क्षेत्र पुन्हा पूर्वेकडे फिरण्याची शक्यता आहे. तसेच बंगालच्या उपसागरामध्ये तामिळनाडूच्या किनाऱ्यालगत चक्राकार वारे वाहत आहेत. त्यामुळे महाराष्ट्रापर्यंत हवेच्या कमी दाबाचा पट्टा सक्रिय आहे. हेही वाचा-मित्राला लसीकरणासाठी तयार करा आणि मिळवा मोफत जेवण किंवा सिनेमा त्यामुळे पुढील पाच दिवस राज्यात अनेक ठिकाणी जोरदार पावसाची शक्यता आहे. हवामान खात्याने आज पुण्यासह सातारा, कोल्हापूर, रत्नागिरी, रायगड, नाशिक, अहमदनगर, औरंगाबाद, बीड, जालना या दहा जिल्ह्यांत येलो अलर्ट जारी केला आहे. याठिकाणी आज विजांच्या कडकडाटासह मुसळधार पावसाची शक्यता आहे. दरम्यान आकाशात विजा चमकत असताना नागरिकांनी घराबाहेर पडू नये, तसेच लांबचा प्रवास टाळावा, असा सल्ला हवामान तज्ज्ञांकडून देण्यात आला आहे. पुढील पाच दिवस दक्षिण कोकणासह घाट परिसरात पावसाचा जोर कायम राहणार आहे.
    Published by:News18 Desk
    First published: