Home /News /pune /

Amol Kolhe: "बाबा परत असं घोड्यावर बसायचं नाही" शिरूरमधील मित्राच्या आईने अमोल कोल्हेंना दिली तंबी, पाहा VIDEO

Amol Kolhe: "बाबा परत असं घोड्यावर बसायचं नाही" शिरूरमधील मित्राच्या आईने अमोल कोल्हेंना दिली तंबी, पाहा VIDEO

Amol Kolhe: "बाबा परत असं घोड्यावर बसायचं नाही" शिरूरमधील मित्राच्या आईने अमोल कोल्हेंना दिली तंबी, पाहा VIDEO

Amol Kolhe: "बाबा परत असं घोड्यावर बसायचं नाही" शिरूरमधील मित्राच्या आईने अमोल कोल्हेंना दिली तंबी, पाहा VIDEO

NCP MP Amol Kolhe: पुणे जिल्ह्यात आयोजित बैलगाडा शर्यतीत खासदार अमोल कोल्हे यांनी आपला शब्द पाळत घोडीवर बसून बैलजोडीसमोर बारी मारली. अमोल कोल्हे यांचा हा व्हिडीओ सोशल मीडियात जोरदार व्हायरल सुद्धा होत आहे.

पुणे, 18 फेब्रुवारी : पुणे जिल्ह्यातील निमगाव दावडी (Pune district) येथे 16 फेब्रुवारी रोजी बैलगाडा शर्यतीचं आयोजन करण्यात आलं होतं. या बैलगाडा शर्यतीच्या ठिकाणी खासदार अमोल कोल्हे (MP Amol Kolhe) यांनी घोडीवर बसून बैलजोडीसमोर बारी मारली. अमोल कोल्हे यांचा हा व्हिडीओ सोशल मीडियात प्रचंड व्हायरल होत आहे. पण हाच व्हिडीओ पाहून खासदार अमोल कोल्हे यांना त्यांच्या निकटवर्तीयांच्या मातोश्रींनी तंबी दिली आहे. बाबा परत असा घोडीवर बसत जाऊ नकोस खासदार डॉ. अमोल कोल्हे यांनी घाटात घोडी धरली याची जोरदार चर्चा झाली. डॉ अमोल कोल्हे यांचे प्रसारमाध्यमांवर ही सगळी दृश्य प्रसिद्ध झाली. त्या दरम्यान अनेक चाहते, प्रेक्षक आणि त्याचबरोबर मित्र आणि नातेवाईक यांनीही या घोडीस्वारीचा व्हिडीओ पाहिला. मात्र खासदार डॉ कोल्हे यांचे मित्र शेखर पाचूंदकर यांच्या आई लक्ष्मीबाई पाचूंदकर यांनी हा व्हिडीओ पाहिल्यानंतर थेट खासदार कोल्हे यांना घरी बोलावून घेत "बाबा परत असा घोडीवर बसत जाऊ नकोस" अशी तंबी दिली. आधी या मातोश्रींनी खासदार अमोल कोल्हे यांची दृष्ट काढली. याचा व्हिडीओ खासदार डॉ. अमोल कोल्हे यांनी सोशल मीडियावर शेअर करत मातामाऊली अशी काळजी घेतात तेव्हा आणखी बळ मिळतं! अशा भावना व्यक्त केल्या आहेत. महाराष्ट्रात बैलगाडा शर्यतीला सर्वोच्च न्यायालयाने सशर्त परवानगी (Bullock cart race) दिली आहे. यानंतर राज्यात ठिकठिकाणी बैलगाडा शर्यतींच आयोजन करण्यात येत आहेत. त्याच दरम्यान खासदार अमोल कोल्हे यांनी लोकसभा निवडणुकीच्या प्रचारावेळी दिलेला शब्द आज पाळला आहे. 2019 च्या लोकसभा निवडणुकीच्या प्रचारावेळी डॉ. अमोल कोल्हे यांनी म्हटलं होतं, बौलगाडा शर्यत पुन्हा सुरू करु आणि घोडीवर बसून बारी मारणार. 16 फेब्रुवारी रोजी पुणे जिल्ह्यात आयोजित बैलगाडा शर्यतीत अमोल कोल्हे यांनी घोडीवर बसून बारी मारत आपला शब्द पाळला आहे. वाचा : मुंबई महानगरपालिकेची केंद्रीय मंत्री नारायण राणे यांना नोटीस,वाचा काय आहे प्रकरण शिवसेनेच्या शिवाजी आढळरावांनी दिलं होतं आव्हान 2019 च्या लोकसभा निवडणुकीच्या प्रचारात खासदार डॉ. अमोल कोल्हे यांनी मी बैलगाडा स्पर्धा सुरू करून बैलगाडा घाटात घोडीवर बसण्याचा मान मिळवेल असं म्हटलं होतं. शिवसेनेचे माजी खासदार शिवाजीराव आढळराव पाटील यांना आव्हान देत अमोल कोल्हे यांनी हे विधान केले होते. मात्र, बैलगाडा शर्यती सुरू झाल्यानंतरही अमोल कोल्हे हे बैलगाडा शर्यतीत दिसून आले नाहीत. त्यानंतर 10 फेब्रुवारी 2022 ला शिवसेनेचे नेते शिवाजी आढळराव पाटील यांनी खासदार अमोल कोल्हेंना आव्हान दिलं होतं.
Published by:Sunil Desale
First published:

Tags: NCP, Pune

पुढील बातम्या