Home /News /pune /

किरीट सोमय्या पुण्यात दाखल; ज्या पायऱ्यांवर झाला हल्ला तिथेच भाजप सत्कार करणार, पुन्हा राडा होणार?

किरीट सोमय्या पुण्यात दाखल; ज्या पायऱ्यांवर झाला हल्ला तिथेच भाजप सत्कार करणार, पुन्हा राडा होणार?

Kirit Somaiya (Photo: @BJP4PuneCity)

Kirit Somaiya (Photo: @BJP4PuneCity)

किरीट सोमय्या पुन्हा पुणे महानगरपालिकेत येणार आहेत आणि पुन्हा वाद होण्याची शक्यता लक्षात घेता पोलिसांनी मोठा पोलीस बंदोबस्त ठेवला आहे. पुणे महानगरपालिकेच्या परिसराला छावणीचं स्वरुप आलं आहे.

    पुणे, 11 फेब्रुवारी : भारतीय जनता पक्षाचे माजी खासदार किरीट सोमय्या (BJP leader Kirit Somiya) हे पुणे शहरात (Pune City) दाखल झाले आहेत. पुणे मनपा आयुक्तांना किरीट सोमय्या हे एक निवेदन देणार आहेत. काही दिवसांपूर्वी पुणे मनपात (Pune Municipal Corporation) जाणाऱ्या किरीट सोमय्या यांच्यावर मनपाच्या आवारात हल्ला झाला होता. शिवसैनिकांनी किरीट सोमय्यांना धक्काबुक्की केली होती. ज्या ठिकाणी किरीट सोमय्या यांना धक्काबुक्की झाली होती त्याच ठिकाणी सोमय्यांचा भाजपकडून सत्कार करण्यात येणार आहे. त्यामुळे पुन्हा एकदा वाद होण्याची शक्यता आहे. किरीट सोमय्या पुन्हा पुणे महानगरपालिकेत येणार आहेत आणि पुन्हा वाद होण्याची शक्यता लक्षात घेता पोलिसांनी मोठा पोलीस बंदोबस्त ठेवला आहे. पुणे महानगरपालिकेच्या परिसराला छावणीचं स्वरुप आलं आहे. या प्रकरणात काँग्रेसचीही उडी शिवसेना आणि भाजप यांच्यातील वादात आता काँग्रेस पक्षानेही उडी घेतली आहे. काँग्रेसचे पुणे शहराध्यक्ष रमेश बागवे यांनी म्हटलं, आमचा किरीट सोमय्या यांच्या सत्काराच्या कार्यक्रमाला विरोध आहे. महापालिकेच्या इमारतीचा वापर विकासकामांच्या कार्यक्रमासाठी करावा, राजकारण करण्यासाठी नाही. काँग्रेसने आयुक्तांना पत्र दिलंय. कार्यक्रमाला परवानगी दिली तर काँग्रेस रस्त्यावर येणार असा इशाराही त्यांनी दिली आहे. वाचा : 'विरोधी पक्षात असताना कधीतरीच शिष्टमंडळ घेऊन राजभवनात यायचो, दररोज नाही' मुख्यमंत्र्यांचा विरोधकांना सणसणीत टोला किरीट सोमय्यांचा ठाकरे सरकारवर हल्लाबोल पुणे विमानतळावर दाखल होताच किरीट सोमय्या यांनी ठाकरे सरकारवर जोरदार हल्लाबोल केला. किरीट सोमय्या म्हणाले, संजय राऊतच्या मित्र परिवाराच्या पार्टनरची कंपनी आहे. या कंपनीला कंत्राट दिलंच कसं?, पीएमआरडीएकडे या कंपनीचे काहीही कागदपत्रे नाहीत, अर्जही नाही आणि तरी सुद्धा त्यांना कंत्राट दिलं. उद्धव ठाकरेंनी संजय राऊत यांच्या मदतीने कोविडमध्ये नागरिकांच्या जीवाशी खेळण्याचा प्रयत्न केला आहे, कारवाई व्हायलाच हवी. वाचा : "ठाकरे-पवार एकत्र पाहून भाजपला पोटदुखी, मविआ सरकारचं स्टेअरिंग ठाकरेंच्याच हाती" कोविड घोटाळा करणारी हेल्थलाईन लाईफलाईन कंपनीवर कारवाई करा. गेल्यावेळी मुख्यमंत्री कार्यालयाने 100 गुंड पाठवले होते, तक्रार मनपात होऊ दिली नाही. आता पाहतो कशी कारवाई करणार नाहीत असंही किरीट सोमय्या म्हणाले. सत्काराचं महत्त्व नाहीये. कोविड सेंटरचा भ्रष्टाचार झाला, एका पत्रकाराचाही मृत्यू झाला होता. कुणीही त्याविरोधात कारवाई केली नाही. किरीट सोमय्या मैदानात आहे, त्या कंपनीवर कारवाई करावी लागणार. संजय राऊत रोज उठून धमकी कोणाला देतात? त्या दुसऱ्या राऊतने 37 कोटींचा घोटाळा केला आता जेलमध्ये आहे. त्याच्याकडून जर पैसे संजय राऊतकडे पोहोचले असतील तर संजय राऊत यांना उत्तर द्यावंच लागेल असंही किरीट सोमय्या म्हणाले.
    Published by:Sunil Desale
    First published:

    Tags: BJP, Kirit Somaiya, Pune

    पुढील बातम्या