मराठी बातम्या /बातम्या /पुणे /घरात होता 80 हून अधिक जीवंत गावठी बॉम्बचा साठा, रत्नागिरीत खळबळ

घरात होता 80 हून अधिक जीवंत गावठी बॉम्बचा साठा, रत्नागिरीत खळबळ

रत्नागिरी जिल्ह्यात खेडमध्ये भरणे नाका इथं एका घरात ८३ जीवंत गावठी बॉम्ब सापडल्यानं खळबळ उडालीय.

Local18
Last Updated : March 24, 2023, 12:07 IST
Mumbai, India

published by :Suraj Yadav

रत्नागिरी, 24 मार्च : रत्नागिरी जिल्ह्यात खेडमध्ये भरणे नाका इथं एका घरात ८३ जीवंत गावठी बॉम्ब सापडल्यानं खळबळ उडालीय. या प्रकरणी खेड पोलिसांनी एका तरुणाला चौकशीसाठी ताब्यात घेतलं आहे. गुरुवारी सायंकाळी खेड पोलिसांनी गावठी बॉम्ब प्रकरणी ही कारवाई केली. गुप्त माहिती मिळाल्यानंतर पोलिसांनी कारवाई केल्याचं पोलिसांनी सांगितलं.

पोलिसांनी या प्रकरणी भादवी कलम 286 सह स्फोटक पदार्थ विषयक कायदा 1908 चे कलम 5 प्रमाणे गुन्हा दाखल केला आहे. कल्पेश जाधव असं गुन्हा दाखल झालेल्या तरुणाचे नाव आहे. शिकारीसाठी सर्रास वापर केले जाणारे जीवघेणे गावठी बॉम्ब एक घरातून खेड पोलिसांनी जप्त केले आहेत.

पुण्यात तरुणांचा धुडगूस, दहशत रहावी म्हणून फोडल्या 14 गाड्या

तुमच्या शहरातून (पुणे)

पुणे

गेल्या आठवड्यात खेडमधील पन्हाळजे गावात प्रमुख जिल्हा मार्गावरून जाणाऱ्या एसटी बसच्या टायर खाली गावठी बॉम्ब फुटला होता. या प्रकरणी खेड पोलीस ठाण्यात गुन्हा दाखल करण्यात आला होता. त्याद्दष्टीने तपास करत असताना गावठी बॉम्ब मोठ्या संख्येत एक घरात असल्याची गोपनीय माहिती पोलिसांना मिळाली होती.

पोलिसांना मिळालेल्या गोपनीय माहितीच्या आधारे भरणे गावातील त्या घरावर धाड टाकली. तेव्हा 80 हुन अधिक घातक गावठी बॉम्ब पोलिसांना आढळले आहेत. खेडचे प्रभारी पोलीस निरीक्षक सुजित गडदे यांच्या मार्गदर्शनाखाली खेड पोलिसांच्या पथकाने ही कारवाई केली आहे.

First published: March 24, 2023, 12:07 IST

पुणे

आपला जिल्हा निवडा

घरात होता 80 हून अधिक जीवंत गावठी बॉम्बचा साठा, रत्नागिरीत खळबळ

रत्नागिरी जिल्ह्यात खेडमध्ये भरणे नाका इथं एका घरात ८३ जीवंत गावठी बॉम्ब सापडल्यानं खळबळ उडालीय.

रत्नागिरी जिल्ह्यात खेडमध्ये भरणे नाका इथं एका घरात ८३ जीवंत गावठी बॉम्ब सापडल्यानं खळबळ उडालीय.

संबंधित बातम्या

तुमच्या शहरातून (पुणे)