अजितदादांना राखी बांधताना घडला गंमतीशीर प्रकार, सुप्रिया सुळेंनाही आवारले नाही हसू, पाहा हा VIDEO

बारामतीतील गोविंदबाग या निवासस्थानी कुटुंबासोबत रक्षाबंधनाचा सण साजरा झाला.

News18 Lokmat
Last Updated : August 03, 2020, 13:57 IST

JITENDRA JADHAV

बारामती, 03 ऑगस्ट : भाऊ आणि बहिणीच्या पवित्र नात्याचा रक्षाबंधन देशभरात साजरा होत आहे. राष्ट्रवादीच्या खासदार सुप्रिया सुळे आणि राज्याचे उपमुख्यमंत्री अजित पवार यांनीही रक्षाबंधन सण कुटुंबियांसोबत साजरा केला आहे. राष्ट्रवादीचे अध्यक्ष शरद पवार यांच्या निवासस्थानी कुटुंबासोबत हा रक्षाबंधनाचा सण साजरा झाला. दरवर्षी प्रमाणे सुप्रिया सुळे यांनी अजितदादांना राखी बांधली. यावेळी कोरोनाची परिस्थितीत असल्यामुळे अजितदादा हातातील ग्लोजसह घरी दाखल झाले होते. सुप्रिया सुळे यांनी अजितदादांना ओवाळून राखी बांधली. पण, झालं असं की, सुप्रियाताईंनी अजितदादांसाठी टोपी आणली होती, पण ओवळणं झाल्यानंतर त्यांच्या लक्षात आलं की, टोपी घालायची राहूनच गेली. त्यामुळे 'अरेच्या टोपी इथंच राहिली' म्हणून अजितदादांनाही हसू आवरले नाही. यावेळी समोरच शरद पवार सुद्धा बसलेले होते. हा प्रकार पाहून त्यांनाही हसू उमटले. राखी बांधल्यानंतर अजितदादांनी आपल्या या बहिणीचे आशिर्वाद घेतले आणि पुढील दौऱ्यासाठी रवाना झाले. यावेळी घरी त्यांच्या आई प्रतिभा पवार आणि इतर सदस्यही हजर होते.

कोळी बांधवांसाठी अतिशय महत्वाचा सण म्हणजे नारळी पौर्णिमा. या सणाच्या निमित्ताने सागराची नारळ वाहून पूजा केली जाते. यानिमित्ताने सर्वांना हार्दिक शुभेच्छा. pic.twitter.com/KvGXiqIC4u
— Supriya Sule (@supriya_sule) August 3, 2020

दरवर्षी पवार कुटुंबीयांच्या घरी मोठ्या उत्साहाने रक्षाबंधन साजरा होत असतो. सुप्रिया सुळे यांनी हा व्हिडिओ शेअर करून सर्वांना रक्षाबंधनाच्या शुभेच्या दिल्या आहे.

तुमच्या शहरातून (पुणे)

पुणे

Published by:sachin Salve

First published: August 03, 2020, 12:26 IST

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

Tags: Ajit pawar, Supriya sule, अजित पवार, रक्षाबंधन, सुप्रिया सुळे

पुणे

आपला जिल्हा निवडा