लॅपटॉप किंवा कंप्यूटर किबोर्डवर का असतो F5 बटण? याचं नेमकं काम काय?

कंप्युटर आणि लॅपटॉप आता सर्वांकडेच आहेत. याच्या किबोर्डवर तुम्ही पाहिले असेल की अनेक किज आहेत. त्यांपैकी काही बटणं आहेत, तर काही शॉर्टकट किज आहेत. कीबोर्डचे प्रत्येक बटण कोणत्या ना कोणत्या फंक्शनसह येते आणि त्याची सर्व बटणे आवश्यक आहेत.

पण असं असलं तरी देखील अनेकांना सर्वच बटणांचे फंक्शन माहिती नाही. लोक काही बटणं वारंवार वापरतात, तर काही अशी बटणं देखील आहेत, जे फार कमी वेळा वापरले जातात.

त्यांपैकी एक आहे F5 बटण. ज्याचं कार्य अनेकांना माहिती नाही, तर काही जण हे बटण कंप्यूटर वापरताना वारंवार दाबतात. पण याचा फायदा किंवा तोटा लोकांना ठावूक नाही.

F5 हे रिफ्रेश बटण आहे. त्यामुळे अनेकांना वाटतं की तो दाबल्याने लॅपटॉपचा वेग वाढतो. पण यात किती तथ्य आहे ते जाणून घेऊया...

F5 दाबल्याने वेग वाढतो का? बर्‍याच लोकांना वाटते की, डेस्कटॉपवर रिफ्रेश कमांड वापरल्याने काही मेमरी मोकळी होईल आणि वापरकर्ते अधिक जलद काम करतील. परंतु सत्य हे आहे की डेस्कटॉपवरील रिफ्रेश फंक्शन केवळ स्क्रीन आणि आयकॉन्स रिफ्रेश करते, सिस्टम मेमरी नाही. सिस्टम मेमरी मोकळी करण्यासाठी, काही अनावश्यक गोष्टी हटवणे आवश्यक आहे.

रिफ्रेश बटणाचे खरे काम हे आहे, जेव्हा तुम्ही डेस्कटॉपच्या चिन्हांमध्ये काही बदल करता. डेस्कटॉपवरील आयकॉन त्यांच्या प्लेसमेंटमध्ये व्यवस्थित दिसतात, यासाठी 'रिफ्रेश' बटण दाबणे आवश्यक आहे.

परंतु सहसा लोक रिफ्रेश बटण पुन्हा पुन्हा दाबतात कारण त्यांना वाटते की यामुळे त्यांच्या कंप्युटरचा वेग वाढेल. पण अगदी उलट आहे. ही केवळ एक वाईट सवय आहे, ज्याचे काही लोकांना व्यसन होते असे म्हटल्यास चुकीचे ठरणार नाही. त्यामुळे अनेक लोक काम करतात वारंवार F5 हे बटण दाबतात.