असे देश जिथे एकही झाड नाही; कसे राहतात इथले लोक, पाहा Photos

शास्त्रज्ञ म्हणतात की जंगल ही आपल्या जगाची लाईफलाईन आहेत तर झाडे आणि वनस्पती पृथ्वीच्या फुफ्फुसाप्रमाणे आहेत. त्यांच्याशिवाय आपण पृथ्वीवरील जीवनाची कल्पनाही करू शकत नाही. ते मानव आणि इतर प्राण्यांनी सोडलेला कार्बन शोषून घेतात.

झाडं जमिनीवर मातीचा थर टिकवून ठेवण्यास मदत करतात. पण तुम्हाला माहिती आहे का की जगात असे काही देश आहेत जिथे एकही झाड नाही. इथं हिरवाईचा मागमूसही दिसणार नाही. जाणून घेऊया त्यांच्याबद्दल...

ग्रीनलँड - तुम्हाला हे नाव ऐकून असं वाटेल की हे एक असं ठिकाण आहे जे हिरवेगार असेल. जिथे आजूबाजूला हिरवीगार झाडं, घनदाट जंगलं किंवा बागा असतील, पण असं अजिबात नाही. ग्रीनलँडच्या हजारो मैलांच्या भूमीत झाडं नाहीत. हे जगातील सर्वात मोठं बेट म्हणून ओळखलं जातं. तुम्हाला इथे सर्वत्र हिमनद्याच दिसतील. (फोटो_ट्विटर)

कतार हा सर्वात मोठा गॅस साठा असलेला देश आहे, इथे तुम्हाला एकही झाड सापडणार नाही. सौदी अरेबिया आणि पर्शियन गल्फने वेढलेल्या या देशाचा संपूर्ण प्रदेश वाळवंट आहे. येथे तेलाचे साठे सापडतील. मोत्यांचे उत्पादन येथे मोठ्या प्रमाणात होते. यामुळे त्याची गणना श्रीमंत देशांमध्ये केली जाते, परंतु वनस्पतींच्या कमतरतेमुळे फुलांसाठी त्यांना इतर देशांवर अवलंबून राहावे लागते. (फोटो_ट्विटर)

जर आपण श्रीमंत मुस्लीम देशांबद्दल बोललो तर ओमानचे नाव देखील येईल, परंतु येथे देखील आपल्याला झाडे पाहायला मिळणार नाहीत. अनेक दशकांपूर्वी येथील वनक्षेत्र 0.01% इतके मोजले जात होते परंतु 1990 पासून ते 0.0% इतकेच राहिले आहे. काही कृषी संस्था आता तिथे 2,000 हेक्टर जमिनीवर कृत्रिमरीत्या पुनर्वनीकरण करत आहेत. अन्य काही ठिकाणी हे प्रयत्न सुरू झाले आहेत. (फोटो_ट्विटर

या देशांच्या श्रेणीत अंटार्क्टिकाचे नावही येते. येथील 98 टक्के भाग बर्फाने झाकलेला आहे. हे पृथ्वीवरील सर्वात थंड ठिकाण मानले जाते आणि तापमान -80 अंश सेल्सिअस पर्यंत जाते. उन्हाळ्यातही सरासरी तापमान 20 अंशांच्या आसपास राहते. अशा परिस्थितीत येथे झाडे असण्याची कल्पनाही करणे योग्य ठरणार नाही.(फोटो_कॅनव्हा))

नेचरमध्ये प्रकाशित झालेल्या अहवालानुसार, गेल्या 12 हजार वर्षांत पृथ्वीवरील एकूण सहा ट्रिलियन झाडांपैकी निम्म्याहून अधिक झाडे लोकांनी तोडली आहेत. लोकसंख्या व्यापत असल्याने जंगले झपाट्याने कमी होत आहेत. युरोप आणि अमेरिकेत हजारो एकर जंगल जळून खाक झाले. संयुक्त राष्ट्रसंघ वारंवार चेतावणी देतं, पण ते वाचवण्यासाठी कुठेही प्रत्यक्ष प्रयत्न होत नाहीत.(