जास्त उंची असणं तरुणाला पडलं महागात, सोशल मीडियावर आता फोटो होतायत व्हायरल

माणसाकडे असलेल्या कोणत्याही गोष्टीसाठी तो खूश नसतो, माणसाला नेहमी असं वाटत असतं की कदाचित माझ्याकडे ही गोष्ट असती तर किंवा ती गोष्ट असती तर किती बरं झालं असतं. पण लोक कधीच स्वत:कडे असलेल्या गोष्टीमध्ये समाधान मानत नाहीत.

उंचीच्या बाबतीत अनेकांसोबत असं होतं की जवळ-जवळ प्रत्येकाला असं वाटत असतं की कदाचित माझी उंची वाढली असती तर बरं झालं असतं, पण ज्याच्याकडे सर्वात जास्त उंची आहे, त्याला विचारा उंची जास्त असण्याचं दुख. या व्यक्तीला आपली उंची नकोशी झालीय आणि कारण आहे की त्याला लग्नासाठी मुगलीच मिळत नाही.

कर्नाटक राज्यातील एका गावातील तब्बल साडेसात फूट उंची असणाऱ्या एका तरुणांचे व्हिडीओ सध्या सोशल मीडियावर व्हायरल झाला आहे.

कर्नाटक - महाराष्ट्र सिमेवरील औराद तालुक्यातील चिंताकी गावात रहाणाऱ्या मारुती कोळी या तरुणांची उंची जवळपास साडेसात फूट आहे. मात्र त्याच्या या अधिकच्या उंचीमुळे त्याला अनेक अडचणींना सामोरे जावे लागतं आहे. घरची गरीब परिस्थिती असणाऱ्या या मारुतीला मदत करण्याचे आवाहन सोशल मीडियावर करत त्याचे व्हीडिओ व्हायरल करण्यात आले.

विशेष म्हणजे 37 वर्ष वय होऊनही त्याला लग्नासाठी मुलगी ही मिळतं नाही. जास्त उंची मुळे त्याला अनेक अडचणीचा सामना करावा लागत आहे. त्यामुळे आता त्याने मदतीसाठी थेट सोशल मीडियाकडे धाव घेतली आहे.