महिला खासदाराच्या 'विचित्र' कपड्यांवरुन अध्यक्षांनी काढलं संसदेच्या बाहेर; म्हणाले...

आफ्रिकेच्या पूर्वेकडील तंजानिया या देशातील (Tanzania) एका महिला खासदाराच्या (Women MP) कपड्यावरुन संसदेत वाद निर्माण झाला. संसदेत येताना खासदार महिलेने टाइट फिटिंग असलेली पॅन्ट (Tight Fitting Trousers) घातली होती. यावर नॅशनल असेम्बलीमध्ये (National Assembly) गोंधळ उडाला व तिला संसद सोडून बाहेर जावे लागले.

तंजानियामध्ये मंगळवारी एक महिला खासदार कोन्डेस्टर सिचवाले (Condester Sichwale) यांना संसदेत 'विचित्र' कपडे घातल्यामुळे बाहेर जावे लागले. याशिवाय महिला खासदाराला तिच्या कपड्यांवरुन माफी देखील मागावी लागली. .

हुसैन अमर नावाच्या एका अन्य खासदारामे सिचवाले यांच्या कपड्यावरुन आपला विरोध दर्शविला. यानंतर अध्यक्ष नदुगई (Job Ndugai) यांनी महिलेला संसदेच्या बाहेर जाण्यास सांगण्यात आले.

स्पीकरने कोन्डेस्टर सिचवाले यांना सांगितलं की, जा आणि व्यवस्थित कपडे घाला आणि त्यानंतरच सभागृहात या. हुसैन यापूर्वी म्हणाले की, आमच्या काही बहिणींनी विचित्र कपडे घातले आहेत. ते समाजाला काय दाखवू इच्छित आहेत?

स्पीकर जॉब नदुगई म्हणाले की, हे पहिल्यांदा नाही की संसदेत महिला सदस्यांच्या कपड्यांबाबत तक्रार आली आहे. स्पीकरने निर्देश दिले आहेत की, अनुपयुक्त कपडे घालणाऱ्या कोणत्याही महिला खासदाराला संसदेत प्रवेश दिला जाणार नाही.