इथे गुरुत्वाकर्षण करत नाही काम; भारतातील 'या' ठिकाणाचाही आहे समावेश

पृथ्वीवर गुरुत्वाकर्षण बल आहे. ज्याचा शोध सफरचदाच्या झाडाखाली न्यूटनने लावला. गुरुत्वाकर्षणामुळे सगळ्या गोष्टी पृथ्वीकडे किंवा थालच्या दिशेने खेचल्या जातात. आपण हे सायन्समध्ये शिकलो देखील आहे. पण असं असलं तरी सायन्सला चॅलेंज देणारी देखील अनेक ठिकाणी जगभरातून समोर आली आहेत. त्यांपैकी एक भारतात देखील आहे.

आता तुम्हाला याबद्दल जाणून घेण्यासाठी नक्कीच उत्सुक्ता असेल, चला मग या ठिकाणाबद्दल जाणून घेऊ.

मिस्ट्री स्पॉट, सांताक्रूझ कॅलिफोर्निया: हे ठिकाण 1939 मध्ये सर्वेक्षकांच्या गटाने शोधले होते. येथे गुरुत्वाकर्षणात एक विचित्र अनियमितता दिसून येते. या ठिकाणी तुम्ही न पडता एका कोनात उभे राहू शकता. याचा अर्थ इथे गुरुत्वाकर्षण काम करत नाही.

सेंट इग्नास मिस्ट्री स्पॉट, मिशिगन हे एक प्रकारचे रहस्यमय ठिकाण आहे. इथे तुम्ही हवे तितके वाकून उभे राहू शकता पण तरी देखील तुम्ही पडणार नाही. एका अहवालानुसार, 1950 च्या दशकात काही लोक सर्वेक्षण करत होते, अचानक त्यांच्या उपकरणांनी गूढ पद्धतीने काम करणे बंद केले, त्यांनी या जागेचे सखोल सर्वेक्षण केले तेव्हा त्यांना आढळले की ते सुमारे 300 स्क्वेअर फूट परिसरात गुरुत्वाकर्षण काम करत नाही.

कॉसमॉस मिस्ट्री एरिया, रॅपिड सिटी अमेरिकेतील साऊथ डकोटा येथे कॉसमॉस मिस्ट्री स्पॉट नावाचे ठिकाणही आहे. इथे देखील हा नियम चालत नाही. या ठिकाणी फिरताना तुम्हाला काही झाडे दिसतील, जी या गूढ क्षेत्रासारखी गूढपणे वाकलेली आहेत. मिस्ट्री स्पॉट प्रमाणे, तुम्ही येथे न पडता वाकून उभे राहू शकता.

स्पूक हिल, फ्लोरिडा इथेही वर उल्लेखलेल्या इतर ठिकाणांसारखीच परिस्थिती आहे. ही अशी जागा आहे जिथे वाहने आपोआप डोंगराच्या माथ्यावर खेचली जातात.

मॅग्नेटीक हिल, लेह लडाखमध्येही असेच एक ठिकाण आहे, ज्याबद्दल जाणून तुम्हाला आश्चर्य वाटेल. येथील चुंबकीय टेकडी अतिशय रहस्यमय मानली जाते. येथे बंद गाडी आपोआप डोंगरावर चढते. येथे वाहन तटस्थ किंवा थांबलेले असूनही चढण चढू शकते.