शेती सोडाच 'या' देशात प्यायलाही मोजून मापून मिळतं पाणी, अतिवापर केल्यास शिक्षा

आपल्या देशात पाण्याची कमतरता आहे मात्र आत्तापर्यंत पाणी वाटण्याची व्यवस्था आलेली नाही.

असा एक देश आहे जिथे कोटा सिस्टीम अंतर्गत पाणी देखील उपलब्ध आहे. याविषयी आज आपण जाणून घेणार आहोत.

असा एक देश आहे जिथे पाण्याच्या कमतरतेमुळे कोटा ठरवण्याची वेळ आली आहे.

ट्युनिशियामध्ये रेशनिंगप्रमाणेच पिण्याच्या पाण्यासाठी कोटा सिस्टीम बसवण्यात आली आहे. या देशात तर पिण्याचे पाणीही मोजून दिले जात आहे.

पुढील 6 महिन्यांसाठी येथे पिण्याच्या पाण्याची कोटा यंत्रणा बसविण्यात आली आहे. एवढेच नाही तर शेतीसाठी पाण्याच्या वापरावर पूर्ण बंदी घालण्यात आली आहे.

ट्युनिशियाच्या कृषी मंत्रालयाच्या म्हणण्यानुसार, हा देश अनेक महिन्यांपासून भीषण दुष्काळाने ग्रासला आहे. गेल्या वर्षभरापासून ट्युनिशियामध्ये पावसाचा अभाव असल्याने धरणांमध्ये फक्त 30 टक्के पाणीसाठा शिल्लक आहे.

परिस्थिती पाहता6 महिन्यांपासून पाण्याचे रेशनिंग केले जात आहे. यासोबतच गाड्या धुण्यास आणि झाडांवर पाणी टाकण्यासही बंदी घालण्यात आली आहे. सार्वजनिक ठिकाणी स्वच्छतेसाठी पाण्याचा वापर करण्यास बंदी आहे.

एवढेच नाही तर या नियमांचे उल्लंघन करणाऱ्याला दंड किंवा तुरुंगवासही होऊ शकतो. पाणी कायद्यांतर्गत नियम मोडणाऱ्यांना 6 दिवसांपासून ते 6 महिन्यांपर्यंत तुरुंगवासाची तरतूद ठेवण्यात आली आहे. रेशनिंगच्या पाण्याबाबत लोकांमध्ये नाराजी आहे, तर कमी उत्पादनामुळे येथे महागाईही वाढली आहे.