OMG! तब्बल 16 वर्षांपासून दर आठवड्याला वधूच्या पोशाखात नटून-थटून का तयार होते ही महिला? विचित्र कारण समजून बसेल धक्का

कोणत्याही मुलीसाठी तिचं लग्न हा मोठा दिवस (Wedding Day) असतो आणि वधू बनणं हे तिच्यासाठी स्वप्नवत असतं. मात्र, शेजारच्या पाकिस्तानमध्ये (Pakistan News) हीरा जीशान दर आठवड्याला नवरी (Woman dresses up as bride every week) बनते. तिला जणू नवरी बनण्याचा छंदच लागला आहे.

बहुतेक मुलींना मेकअप करायला आवडतो. काही मुली हलक्या तर काही भरगच्च मेकअपने स्वतःला सजवतात. पण एक मात्र नक्की की, रोज नवरी बनून कुणी तयार (Bridal Make Up) होत नाही. वधू म्हणून वेषभूषा करण्याच्या या विचित्र छंदाच्या मागे (Weird Hobby of Dressing Up as Bride) काय असेल असा प्रश्न तुम्हाला पडला असेल. हीरा ही महिला दर आठवड्याला वधू म्हणून तयार होते.

तिच्या या छंदामागे अगदी वेगळंच कारण आहे. ही पाकिस्तानी महिला दर आठवड्याला नवरीसारखी सजून तयार होते. गंमत म्हणजे ती हा प्रकार गेल्या 16 वर्षांपासून करत आहे. तिच्या या छंदामुळे ती सगळीकडे प्रसिद्ध झाली आहे.

पाकिस्तानच्या पंजाब प्रांतात राहणारी 42 वर्षीय हीरा जीशान दर आठवड्याला शुक्रवारी वधूची पूर्ण ग्रूमिंग करते आणि तयार होते. 16 वर्षांपूर्वी सुरू झालेला प्रकार दर शुक्रवारी सुरू आहे. प्रत्येक आठवड्यात न कंटाळता ती सर्व साज-श्रृंगार करत आली आहे.

या दरम्यान हीरा नवीन फॅशनचे नवरीचे पोशाख घालते. हात आणि पायांना मेहंदी लावते आणि लग्नाचे दागिने देखील घालते. यानंतर, ती दिवसभर अशाच पोशाखात राहते. तिचे सर्व सुंदर फोटो तिच्या इंस्टाग्राम अकाऊंटवर देखील पाहिले जाऊ शकतात, ज्यामध्ये ती खूप सुंदर दिसत आहे.

हीराने स्वतः सांगितलं आहे की, आजपासून 16-17 वर्षांपूर्वी तिची आई खूप आजारी होती. त्यानंतर तिला रुग्णालयात दाखल करावं लागलं. आजारी आईची इच्छा होती की, तिच्या मृत्यूपूर्वी तिच्या मुलीचं लग्न करावं. अशा परिस्थितीत हीराने आपल्या आईला रक्त देणाऱ्या व्यक्तीशी रुग्णालयातच लग्न केलं.

आईच्या आनंदासाठी हीराचं तिथेच लग्न झालं आणि रिक्षात बसून तिने आईचा निरोप घेतला. त्या दिवशी ना ती नववधूसारखी तयार झाली, ना तिने मेकअप केला. हीराच्या आईचाही मृत्यू झाला आणि तिच्या 6 मुलांपैकी 2 मुलांचाही मृत्यू झाला. हे दु:ख दूर करण्यासाठी तिने स्वत:ला दर आठवड्याला नववधूप्रमाणे सजवायला सुरुवात केली. (सर्व फोटो क्रेडिट - Instagram/@heerazeeshan1)