Gautami Patil : मी अश्लील काहीही... ; कार्यक्रमांवर बंदी घालण्याची मागणी करताच गौतमीचं स्पष्टीकरण

गौतमीला फॉलो करणाऱ्यांची आणि कार्यक्रमांना गर्दी करण्यांची संख्या दिवसेंदिवस वाढत आहे.

गौतमीची लावणी अश्लील असल्याचा आरोप करत तिला प्रचंड ट्रोल करण्यात आलं होतं. गौतमीच्या लावणीवरून निर्माण झालेला वाद आजही सुरू आहे.

मात्रा आता गौतमीच्या कार्यक्रमांवार कायमस्वरूपी बंदी आणा अशी मागणी करण्यात आली आहे.

कार्यक्रमांवर बंदी घालण्याच्या मागणीवर प्रतिक्रिया देत गौतमी म्हणाली, 'प्रेक्षकांचं माझ्यावर प्रेम आहे. आज महिला प्रेक्षकवर्गही माझी लावणी पाहायला येतात'.

'त्यांचं माझ्यावर प्रेम आहे म्हणून माझे कार्यक्रम पाहायला येतात. मी एक कलाकार आहे. मी गावोगावी जाते माझी कला सादर करते'.

'मागच्या वेळेस माझ्याकडून चूक झाली होती. पण त्यानंतर माझे सगळे कार्यक्रम व्यवस्थित सुरू आहेत. तरीही अशी मागणी करत असताना मला यावर काही बोलायचं नाही'.

'कोणाची मर्जी कोण काय बोलतं मला त्यांना काहीही बोलायचं नाही. माझं केवळ हेच म्हणणं आहे की, मी एक कलाकार आहे. मी कला चांगली सादर करतेय. मी अश्लील काही करत नाहीये'.

'एवढं सगळं छान सुरू असताना, कोणतीही चुक न करताना माझ्या कार्यक्रमांवर अशी बंदी घालणं याचं मला फार वाईट वाटतं'.

'माझ्याकडून काही चुकलं तर माझ्यावर अशी बंदी घाला ना. पण मी आता पूर्वीसारखं काही केलेलं नाही. मी आधी चुकले मी मान्य करते'.