स्वर्गासारखं सुंदर स्मशान; इथं पिकनिकला येतात लोक, अंत्यसंस्कारासह बर्थ-डे, प्री वेडिंगही होतं

स्मशान जिथं मृतदेह जाळले जातात, त्यामुळे अनेकांना तिथं जायचं म्हटलं तरी भीती वाटते. इथं लोक फक्त आयुष्याचा प्रवास संपल्यानंतर शेवटच्या यात्रेवेळी जातात. तिथं मृतदेह जाळली जातात.

स्मशान ही राहण्याची किंवा फिरण्याची जागा नाहीच. पण अशाच स्मशानात अंत्यसंस्कारच नव्हे तर बर्थ डे पार्टी, प्री-वेडिंग आणि पिकनिकसाठीही लोक येतात, असं तुम्हाला सांगितलं तर साहजिकच तुमचा विश्वास बसणार नाही.

पण असं एक स्मशान आहे, जिथं लोक फक्त अंत्यंस्कारासाठी नव्हे मजामस्ती करण्यासाठी येतात. तुम्हालाही स्मशान पाहिल्यानंतर भीती वाटणार नाही तर उलट पुन्हा पुन्हा जावंसं वाटेल. हे स्मशान कोणत्या स्वर्गापेक्षा कमी नाही.

तब्बल 5 ते 7 कोटी रुपये या स्मशानावर लावण्यात आले आहेत. स्मशानाचं 80 टक्के काम पूर्ण झालं आहे. आतापर्यंत 5 कोटी रुपये खर्च झाले आहेत.

या स्मशानाचा प्रवेश गेट एखाद्या रिसॉर्ट किंवा पार्टी प्लॉटसारखा आहे.

स्मशानात ग्रामीण संस्कृतीसह दर्शवणारे, तसेच इतर अनेक पेटिंगही आहे. एक जुनी विहिर आहे, जिथं पाणीही साठवलं जातं.

स्मशानात स्नानघर, शौचायलासह प्रार्थनास्थळ, पुस्तकालयही आहे.

बाग, मुलांसाठी खेळण्याची जागा, स्मारक परिसर अशा अनेक सुविधा आहेत.

स्मशानात अग्नी देण्यासाठी आधुनिक पद्धतीने जागा तयार करण्यात आली आहे. लहान मुलांच्या अंत्यसंस्कारासाठी वेगळी जागा आहे.

इथं फक्त एक रुपयात अंत्यसंस्कार होतात. सामान्यपणे अंत्यसंस्कारासाठी तीन ते चार हजार रुपये घेतात.

स्मशान दोन भागांमध्ये विभागलं गेलं आहे. एका भागात फक्त अंत्यसंस्कार होतात तर दुसऱ्या भागात लोक मजामस्ती करण्यासाठी येतात.

स्मशान इतकं सुंदर आहे की इथं लोक प्री-वेडिंग फोटोशूट करायलाही येतात.

आता इतकं सुंदर स्मशान आहे कुठे तर गुजरातमध्ये. बनासकांठा जिल्ह्यातील डीसामध्ये बनास नदी काठावर हे स्मशान आहे.