अरबपतीचा 4 हजार महिलांसोबत शरीरसंबंधाचा दावा; शेवटी बायकोकडून आयुष्याचा The End

जपानमधील एका अरबपती व्यावसायिकाच्या तरुण पत्नीला अटक केली आहे. 25 वर्षांच्या साकी सुडो हिच्यावर आरोप आहे की, तिने आपल्या 77 वर्षीय पती डॉन ज्युआन याची हत्या केली. मिळालेल्या माहितीनुसार तरुणीने डॉन ज्युआनला लग्नाच्या अवघ्या तीन महिन्याच्या आत विष देऊन मारून टाकलं.

डॉन ज्युआन उर्फ कोसुके नोजाकी यांचं नाव जपानमधील प्रसिद्ध व्यावसायिकांमध्ये घेतलं जातं. नोजाकी यांचा रिअल इस्टेट आणि दारूचा व्यवसाय आहे. तीन वर्षांपूर्वी मे महिन्यात त्यांचा मृत्यू झाला होचा आणि त्यांच्या शरीरातून विषारी ड्रग्ज सापडले होते. द सनच्या रिपोर्टनुसार मृत्यूपूर्वी ते आपल्या पत्नीसोबत होते.

2016 मध्ये नोजाकीने ऑटोबायोग्राफी छापली होती. या ग्रंथात त्यांनी दावा केला होता की, त्यांनी 4 हजार महिलांसोबत शरीरसंबंध ठेवले होते आणि त्यांनी या महिलांना लाखो-कोटी रुपये दिले आहेत. डॉन ज्युआन स्वत:ला स्पॅनिश प्लेबॉय मानतात. आजतकने यासंदर्भातील वृत्त प्रसिद्ध केलं आहे.

नोजाकी हे वाकायामा येथील आपल्या घरात मृत अवस्थेत आढळले. पोलिसांनी या प्रकरणाचा तपास केल्यानंतर धक्कादायक माहिती समोर आली. नोजाकी यांनी आत्महत्या केली नव्हती. पोलिसांनी सांगितलं की, मृत्यूपूर्वी नोजाकी आपल्या पत्नीसोबत डिनर करीत होते. पोलिसांनी दिलेल्या माहितीनुसार सुडोने इंटरनेटवर विषारी ड्रग्जबाबत सर्च केलं होतं आणि तेच विषारी ड्रग तिने पतीला दिलं.

या प्रकरणात पोलिसांनी सांगितलं की, तरुणीने आपल्या पतीला का मारलं? याबाबतची माहिती अद्याप समोर आलेली नाही. नोजाकीने आपल्या ऑटोबायोग्राफीमध्ये लिहिलं होतं की, त्याचं पैसे कमविण्याचं एकच ध्येय आहे. तो सुंदर, आकर्षक महिलांना डेट करू इच्छितो.