रस्त्यावर पडलेल्या सेक्स टॉयला समजली ग्रेनेड बॉम्ब; परिसरात उडाला गोंधळ, पोलिसांना करावं लागलं पाचारण

अनेकदा लोकांना रस्त्यावर पडलेलं सामान दिसतं. अनेकदा यात काहीतरी वेगळंही पाहायला मिळतं. जर्मनीमध्ये महिलेला जंगलात एक ग्रेनेड दिसला. ते पाहून महिला पुरती घाबरुन गेली आणि तिने पोलिसांना याबाबत माहिती दिली.

सीएनएनच्या रिपोर्टनुसार ही घटना दक्षिण जर्मनी येथील बवेरियन शहरातील आहे. येथे जॉगिंग करणाऱ्या एका महिलेला पारदर्शक पिशवीत ग्रेनेड बॉम्ब सारखी काही तरी दिसलं. पहिल्यांदा तर ग्रेनेड पाहून महिला घाबरली व तिने स्थानिक पोलिसांना याबाबत माहिती दिली.

महिलेकडून माहिती मिळताच पोलीस सक्रीय झाले आणि त्यांनी त्या भागात घेराव घातला. जेव्हा पोलिसांची टीम घटनास्थळी पोहोचली तेव्हा हे ग्रेनेड नाही तर सेक्स टॉय असल्याचं समोर आलं. यावेळी घटनास्थळी बॉम्ब डिफ्यूज करणारी टीमदेखील हजर झाली होती.

रिपोर्टनुसार पहिल्यांदा तर पारदर्शक प्लास्टिक बॅगेतील ग्रेनेडच्या आकाराची वस्तू पाहून बॉम्ब डिफ्यूज करणारी टीम हजर झाली होती. मात्र तपासाअंती ग्रेनेडच्या रुपात हा एक सेक्स टॉय असल्याचं समोर आलं. पोलिसांनी दिलेल्या माहितीनुसार पॉलिथीनमध्ये कंडोम आणि लुब्रिकेंट्सदेखील सापडले आहेत. कंडोम आणि लुब्रिकेट्स यांना डिव्हाइस सारख्या दिसणाऱ्या डब्यात ठेवण्यात आलं होतं. यामुळे महिला घाबरली. पोलिसांनाही सुरुवातील ते ग्रेनेड वाटलं होतं.