पांढऱ्या केसांमुळे उडवली जायची खिल्ली, आता त्याच केसांचे आहेत अनेक चाहते

व्यवसायाने शेतकरी असलेल्या एना शेफर्डचे केस अगदी लहान वयात पांढरे होऊ लागले होते. केवळ 13 वर्षांची असताना तिच्या सफेद केसांमुळे शाळेत तिची खिल्ली उडवली जात होती. पण एनाने आपले केस आहेत तसेच ठेवले. तिने आपल्या केसांना वयाच्या 14व्या वर्षापासून कैची लावली नव्हती. तेव्हापासून तिने आपले केस कापणं बंद केलं.

आता एना 30 वर्षांची आहे आणि तिचे केस पाच फूट लांब, चांदीसारखे सफेद आहेत. Daily Mail च्या रिपोर्टनुसार, तिला लहानपणी लोक डिज्नीलँडमधील वँप क्रुएला बोलायचे. तिला त्यावेळी वाइट वाटायचं. पण आता नैसर्गिकरित्या पांढरे असलेले तिचे केसच तिच्या व्यक्तिमत्त्वाचा भाग बनले आहेत.

केस वाढवण्यासाठी तिने केसांची काळजीही घेतली. एनाने ती तिचे केस महिन्यातून एकदा वॉश करत असल्याचं सांगितलं. इतकंच नाही, तर आठवड्यापर्यंत ती केस विंचरतही नाही.

एनाच्या या सिल्व्हर केसांचे अनेक फॅन्स आहेत. तिचे केस गुडघ्याच्याही खालपर्यंत आहेत. आपले पांढरे केस पाहून इतरांनाही त्यांचे पांढरे केस आहेत तसे स्वीकारण्याची हिम्मत मिळावी असं एना सांगते.

शाळेत असताना तिच्या पांढऱ्या केसांमुळे ती चिंतेत असायची. पण आता तिला तिचे हेच पांढरे केस आवडू लागले आहेत.

काही पुरुष फॅन्स एनाच्या केसांना केवळ हात लावण्यासाठी तिला पैसे देण्यासही तयार असतात.

एना शेतकरी असून तिला असे लांब केस ठेवणं कठीण वाटत नसल्याचं ती म्हणते. कारण तिला केस स्टाइल करण्याची गरज वाटत नाही. ती कधीतरीच केसांना तेल लावते, पण वॉश मात्र महिन्यानेच करत असल्याचं ती म्हणते. (All Photos Credit- Instagram/prettyshepherd)