जगात कोरोनाव्हायरसने विळखा घातला असून जगभरातले 190 पेक्षा जास्त देश संक्रमित झाले आहे. त्यामुळे सगळ्या देशांची परिस्थितीच बदलून गेली आहे. जगात आत्तापर्यंत 1 कोटी 66 लाख 90 हजार 181 जणांना कोरोना झाला आहे. तर 1 कोटी 2 लाख 75 हजार 318 जण बरे झाले आहेत. तर जगात 6 लाख 57 हजार 513 जणांचा मृत्यू झाला आहे. त्यामुळे चिंता वाढली आहे. चीन, इटली, ब्राझील या देशात कोरोना रुग्णांची संख्या घटत आहे. मात्र जगात पुन्हा कोरोना व्हायरसची दुसरी लाट येण्याचीही भीती व्यक्त केली जात आहे. मात्र असा अंदाज व्यक्त करणं योग्य नसल्याचा दावा तज्ज्ञांनी केला आहे. असा अंदाज बांधता येणार नाही असं त्यांचं म्हणणं आहे. University of Kent च्या व्हायरॉलॉजी विभागाचे प्रमुख जेरेम रॉसमॅन यांनी कोरोनाची दुसरी लाट येणार असं म्हणणं योग्य नसल्याचं सांगितलंय. व्हायरस हा पसरत जात असल्याने दुसऱ्या लाटे विषयी बोलणं योग्य नाही असंही जेरेम रॉसमॅन यांनी म्हटलं आहे. (फोटो सौजन्य - PTI)
