अमेरिकेतील 'या' शहरात आता 2021 मध्ये दिसेल सूर्य; दोन महिन्यांपर्यंत राहील अंधार

अमेरिकेत एक असेही एक शहर आहे जेथे दोन महिने लोकांना सूर्य दिसणार नाही. अमेरिकेच्या अलास्कामधील लोकांना पुढील 2 महिने अंधारात राहावं लागणार आहे. आता या शहरात 23 जानेवारी रोजी स्थानिक वेळेनुसार दुपारी 1 वाजता सुर्योदय होईल. सरकारने अधिकृतपणे 65 दिवसांपर्यंत अंधार राहणार असल्याचे जाहीर केले आहे.

अलास्का हा भागा ध्रुवीय प्रदेशात येतो. येथील उत्कीयागविक शहरात आता 23 जानेवारीला सूर्य दिसेल. उत्तर ध्रुवाच्या दिशेने पुढे जात हिवाळ्यात काही ठिकाणी दिवस इतके लहान असतात की तेथे प्रकाश पोहोचत नाही. हिवाळ्यात दिवसादेखील अंधार असतो. कारण आर्कटिक सर्कलच्या उंचीवर असण्यामुळे सूर्य क्षितिजाच्या वर चढू शकत नाही. या स्थितीस 'पोलर नाइट्स' म्हटले जाते.

'द वेदर नेटवर्क' च्या एका रिपोर्टनुसार 18 नोव्हेंबर रोजी अलास्कामध्ये शेवटचा सनसेट झाला आहे. आता येथे 23 जानेवारी रोजी सुर्योदय होईल. सध्या येथील नागरिकांनी नुकताच शहरावर आधारित एक चित्रपट पाहून रात्र होण्याचा आनंद साजरा केला आहे. (Photo: WeatherNetwork)

4 हजाराची लोकसंख्या असलेल्या उत्कीयागविकमध्ये सूर्य आणि प्रकाश नसल्यानं हवामान बरंच थंड आहे. बर्‍याच वेळा येथे तापमान उणे 10 ते 20 अंशांपर्यंत पोहोचते. दोन महिन्यांच्या काळोखात शहराचे सरासरी तापमानही उणे 5 अंशांच्या खाली राहते.

अमेरिकेतही अलास्का, रशिया, स्वीडन, फिनलँड, ग्रीस आणि कॅनडाच्या काही शहरांमध्ये ध्रुवीय नाइट्स आढळतात. ग्रीस, कॅनडाच्या फोर्डमध्ये 100 दिवसांपासून काळोखाची स्थिती आहे.