हे 6 फोटो सांगतायत पंतप्रधान मोदींच्या अमेरिका दौऱ्याची कहाणी, वाढला भारताचा गौरव

अमेरिकेचे राष्ट्राध्यक्ष जो बायडेन यांच्या निमंत्रणावरून पंतप्रधान मोदी क्वाड देशांच्या बैठकीसाठी अमेरिकेला गेले. 22 सप्टेंबरला जेव्हा ते अमेरिकेत पोहोचले, तेव्हा तिथल्या भारतीय निवासींनी त्यांचं जोरदार स्वागत केलं. विमानतळावर बायडेन प्रशासनातील अधिकारी आणि भारतीय राजदूतांनी त्यांचं स्वागत केलं.

पंतप्रधान मोदींनी अमेरिकेच्या उपराष्ट्रपती कमला हॅरिस यांची व्हाईट हाऊसमध्ये भेट घेतली. यावेळी भारत आणि अमेरिका हे एकमेकांचे नैसर्गिक मित्र असल्याचं मोदी म्हणाले. दोन्ही देशांतील संबंध दृढ करण्यासोबत विविध आंतरराष्ट्रीय विषय़ांवर त्यांची चर्चा झाली.

24 सप्टेंबरला पंतप्रधान मोदी आणि अमेरिकेचे राष्ट्राध्यक्ष जो बायडेन यांची भेट झाली. कोविडचा मुकाबला, जलवायू परिवर्तन, आर्थिक व्यवहार यासह अनेक मुद्द्यांवर या बैठकीत चर्चा झाली. 2014 पासूनचा पंतप्रधान मोदींचा हा 7 वा अमेरिका दौरा आहे.

व्हाईट हाऊसमध्ये पंतप्रधान मोदी आणि राष्ट्राध्यक्ष बायडेन यांच्यात द्विपक्षीय बैठक झाली. 26 एप्रिल रोजी दोघांमध्ये फोनवरून संभाषण झालं होतं. त्यानंतर ही प्रत्यक्ष भेट झाली.

व्हाईट हाऊसमध्ये क्वाड नेत्यांची बैठक पार पडली. भारत, अमेरिका, जपान आणि ऑस्ट्रेलिया या चार देशांच्या प्रमुखांची बैठक पार पडली. व्यापार आणि सुरक्षेच्या मुद्द्यावर या बैठकीत चर्चा झाली.

संयुक्त राष्ट्रसंघाच्या महासभेत पंतप्रधान मोदींनी जगाच्या व्यासपीठावर भाषण केलं. जगातील सर्वात मोठी लोकशाही असलेल्या देशाचे पंतप्रधान म्हणून मोदींच्या भाषणाकडे पूर्ण जगाचं लक्ष होतं.