सायबेरिया आणि उत्तर अमेरिकेच्या जंगलात पेटला भीषण वणवा; Climate Change शी आहे कनेक्शन! धक्कादायक Photo होत Viral

यावर्षी जुलै-ऑगस्टमध्ये सायबेरिया आणि उत्तर अमेरिकेच्या जंगलात लागलेल्या आगीतून 2.5 अब्ज टन कार्बन उत्सर्जन झालं आहे. एवढं प्रदूषण हवेत गेलं.

जुलैमध्ये CO2 चे निम्म्याहून अधिक उत्सर्जन केवळ उत्तर अमेरिका आणि सायबेरियामधून झाले आहे. युरोपियन युनियनच्या कोपर्निकस एटमॉस्फियर मॉनिटरिंग सर्व्हिस (सीएएमएस) म्हणजेच अर्थ मॉनिटरिंग सर्व्हिसने ही माहिती दिली आहे.

ग्लोबल वार्मिंगसह (Global warming) उष्णता, दुष्काळी परिस्थिती आणि तिन्ही खंडातील मातीतील (Environment) ओलावा कमी होणे या अभूतपूर्व आगीची महत्त्वपूर्ण कारणं आहेत. आगीची भीषणता ऐवढी होती की आर्कटिक सर्कल देखील आगीच्या कचाट्यात सापडून जळून खाक झाले आहे.

उपग्रहातून घेतलेल्या या फोटोंमधून आपण आगीची भीषणता पाहू शकतो. ही आग जूनमध्ये ईशान्य सायबेरियात (Siberia and North America) सुरू झाली आणि नंतर ऑगस्टच्या अखेरीस किंवा सप्टेंबरच्या सुरुवातीला विझली.

पश्चिम अमेरिका आणि कॅनडातील कोलंबियापर्यंत ही आग पसरली होती. ज्यामुळे तेथील तापमान 50 अंश सेल्सिअसपर्यंत पोहोचले.

वाढत्या तापमानामुळे आणि वाढत्या दुष्काळामुळे वाढत्या पर्जन्यमानामुळे या परिसरात सातत्याने वणवे पेटत असल्याचं स्थानिकांचं म्हणणं आहे.

संयुक्त राष्ट्रांच्या आयपीसीसीच्या (United Nations IPCC) हवामान विज्ञान सल्लागार समितीच्या (WMO) मसुद्याच्या अहवालात असा निष्कर्ष काढण्यात आला आहे की वाढते तापमान आणि जमिनीतील 'ओलावा कमी होणे' यामुळे हा वणवा पेटला आहे.