रशियासमोर युक्रेन हतबल! महिला खासदार, लहान मुलांसह सर्वसामान्य नागरिकांनीही उचलले शस्त्र, पाहा PHOTOS

युक्रेनमधील (Ukraine Crisis) परिस्थिती किती गंभीर आहे, याचा अंदाज सरकारमध्ये उपस्थित असलेल्या लोकांनी आणि सर्वसामान्य नागरिकांनीही हातात घेतलेल्या बंदुकांवरुन येऊ शकतो. त्यासाठी सरकार लोकांना मदत करत आहे.

युक्रेनमध्ये एकीकडे युद्धात मृत्यूमुखी पडलेल्या लोकांचे आणि देश सोडून पळून जाणाऱ्या लोकांचे फोटो समोर येत आहेत, तर दुसरीकडे सोशल मीडियावर असे काही फोटो व्हायरल होत आहेत ज्यामध्ये रशियन संसद सदस्यांपासून ते लहान मुलांपर्यंत शस्त्र उचलताना दिसले. रशियासोबतच्या युद्धादरम्यान युक्रेनच्या एका महिला खासदारानेही शस्त्र उचलले आहे. किरा रुडिक असे या खासदाराचे नाव आहे.

ट्विटरवर फोटो शेअर करत किरा रुडिकने लिहिले की, मी बंदूक चालवायला शिकत आहे. आता देश वाचवण्यासाठी शस्त्र उचलणे गरजेचे झाले आहे. त्यांनी लिहिले की हे सर्व स्वप्नवत वाटत आहे. कारण, काही दिवसांपूर्वी मी याचा विचारही केला नव्हता. मात्र, आता परिस्थिती इतकी कठीण आहे की युक्रेनच्या महिला देखील पुरुषांप्रमाणेच त्यांच्या भूमीचे रक्षण करतील.

हा फोटो सोशल मीडियावर व्हायरल झाल्यानंतर किरा म्हणाली की, मलाही कधी शस्त्र उचलावे लागेल, असे वाटले नव्हते. आमच्यात आणि शस्त्र हाती घेणाऱ्या लष्करात खूप फरक आहे. दुसऱ्याच्या जमिनीवर कब्जा करण्यासाठी आम्ही शस्त्र उचलले नाही, तर ते आमच्या भूमीच्या आणि स्वतःच्या रक्षणासाठी आहे.

युक्रेनचे राष्ट्राध्यक्ष झेलेन्स्की यांनी रशियाच्या लष्करी सामर्थ्यासमोर कमी पडत असल्याने आपल्या नागरिकांना देशाचे रक्षण करण्यासाठी शस्त्रे उचलण्यास सांगितले. रशिया आणि युक्रेन यांच्यात चर्चा होत असल्याच्या बातम्या येत असल्या तरी दोन्ही देशांमधील परिस्थिती अजूनही तणावपूर्ण आहे.

रशियन सैन्याचा मुकाबला करण्यासाठी युक्रेनने आता युक्रेनच्या नागरिकांना मशीन गन सुपूर्द केल्या आहेत. वृत्तानुसार, राजधानी कीव सुरक्षित ठेवण्यासाठी युक्रेन सरकारने सुमारे 18,000 मशीन गन सर्वसामान्यांना दिल्या आहेत. यासोबतच युक्रेनने आता 18 ते 60 वयोगटातील लोकांना देश सोडण्यास बंदी घातली आहे.

युक्रेनमधून आलेल्या वृत्तानुसार, रशियाच्या हल्ल्यापासून युक्रेनने देशातील मुलं-मुलींना बंदूक चालवण्याचा आणि लढाईचे प्रशिक्षण देत आहेत. अंदाजनुलाप रशियाच्या क्रिमियावर कब्जा मिळवण्यादरम्यान आणि मॉस्को समर्थक सशस्त्र बंडखोरी दरम्यान 4 लाख लोकांना युद्धाचा अनुभव आला असावा.

युक्रेनच्या गृह मंत्रालयाने सांगितले की, राजधानी कीवच्या सुरक्षेसाठी 18,000 मशीन गन सामान्य जनतेला देण्यात आल्या आहेत. कीवचे महापौर म्हणाले की, आता स्थानिक लोकही रशियन सैन्याशी लढण्यास तयार आहेत. सरकारने लोकांना शस्त्रे वाटली आहेत. हल्ल्यानंतर युक्रेनमधील लोकांमध्ये शस्त्र खरेदीसाठी शर्यत लागली आहे. गेल्या अनेक दिवसांपासून शस्त्रास्त्रे खरेदी करण्यासाठी कीवच्या दुकानांमध्ये लांबच लांब रांगा लागल्या आहेत.