PHOTOS: फक्त 11 मिनिटं बलात्कार झाला म्हणून कमी केली शिक्षा; कोर्टाच्या अजब निर्णयाचे देशभर पडसाद

बेर्न: केवळ अकरा मिनिटांपर्यंत बलात्कार केल्याचं कारण देत एका न्यायालयानं आरोपींची शिक्षा कमी केल्याची धक्कादायक घटना समोर आली आहे. न्यायालयाचा हा निर्णय समोर येताच, देशभर लोकांमध्ये संतापाची लाट उसळली आहे. अनेकांनी रस्त्यावर उतरून आंदोलन करायला सुरुवात केली आहे. संबंधित निर्णय मागे घेण्याचा मागणी नागरिकांकडून केली जात आहे. संबंधित घटना स्वित्झर्लंड येथील आहे. (फोटो- AP)

डेली मेलच्या वृत्तानुसार, संबंधित घटना 20 जून 2020 रोजी घडली आहे. बेसल येथील रहिवासी असणाऱ्या एका 33 वर्षीय युवतीला दोन पोर्तुगीज नागरिकांनी ओलीस ठेवून तिच्यावर बलात्कार केला. आरोपींपैकी एक 17 वर्षांचा आहे आणि दुसरा 32 वर्षांचा आहे. (फोटो- AP)

या खटल्याचा निकाल देताना महिला न्यायाधीशांनी सांगितलं की बलात्कार फक्त 11 मिनिटांपर्यंत झाला. हा तुलनेनं कमी कालावधी आहे. हे कारण देत न्यायालयानं दुसऱ्या दोषीची शिक्षा 51 महिन्यांवरून कमी करून ती 36 महिने करण्यात आली आहे. तर अल्पवयीन मुलाला अद्याप न्यायालयानं शिक्षा सुनावलेली नाही. लोक या निर्णयाला विरोध करत आहेत. (फोटो- AP)

एवढेच नाही तर महिला न्यायाधीशानं पीडितेबद्दल विचित्र टिप्पण्या केल्या आहेत. ज्यामुळे हा वाद आणखी वाढला आहे. न्यायाधीश म्हणाल्या की, पीडितेनं आरोपींना शारीरिक संबंधासाठी संकेत दिले असावेत. त्यामुळे आरोपींचं धाडस वाढलं असावं. त्यामुळे ही एक किरकोळ चूक आहे, असंही न्यायाधिश म्हणाल्या आहेत. (फोटो- AP)

पीडित तरुणी दोन्ही दोषींना एका नाईट क्लबमध्ये भेटली होती, असं म्हटलं जात आहे. न्यायाधीशांनी सांगितलं की, पीडित तरुणी आरोपींना आधी नाईट क्लबमध्ये भेटली होती. त्यानंतर शौचालयाकडे जाताना पीडितेनं आरोपींना संकेत दिले होते.(फोटो- AP)

महिला न्यायाधीशाच्या विरोधात रस्त्यावर उतरणाऱ्या लोकांमध्ये बहुतेक महिला होत्या. त्यांनी यावेळी 11 मिनिटं मौन पाळून महिला न्यायाधिशाचा निषेध केला. तसेच आंदोलनकर्त्या महिलांनी '11 मिनिटं खूप आहेत' असे बॅनर घेऊन निदर्शनं केली आहेत. (फोटो- AP)

एका बॅनरवर असंही लिहिलं होतं- 'खूप कमी वेळासाठी बलात्कार असं काही नसतं, बलात्कार हा बलात्कारच असतो. '(फोटो- AP)