धक्कादायक! आई-वडिलांच्या वाईट सवयीमुळे 19 महिन्यांच्या बाळाचा गेला जीव; 3 दिवस होती उपाशी

द मिररमध्ये प्रसिद्ध झालेल्या एका वृत्तानुसार, मृत बाळाचं नाव कियारा कोनरॉय (Kiera Conroy) आहे. तपासानुसार मिळालेल्या माहितीनुसार, रात्रभर टीव्ही पाहणे आणि गेम खेळल्यानंतर बाळाचे आई-वडील दुसऱ्या दिवशी दुपारी तीन वाजता झोपून उठले. धक्कादायक म्हणजे यावेळी आई-वडील बाळाला एका खोलीत सोडून दुसऱ्या खोलीत निघून गेले.

मिळालेल्या माहितीनुसार, स्कॉटलँडमधील Airdrie कोर्टाने बाळाच्या वडिलांना दोषी मानलं आहे. बाळाच्या वडिलांवर तिच्याकडे लक्ष न देणे आणि जाणूनबुजून तिच्याकडे दुर्लक्ष केल्याचा आरोप आहे. याशिवाय बाळाच्या आईवर आरोप होते, मात्र कोर्टाने तिची सुटका केली आहे.

पोलिसांच्या तपासात खुलासा झाला आहे की, मृत्यूच्या तीन दिवसांपूर्वीपर्यंत बाळाचे आई-वडिलांनी त्याला जेवू दिलं नव्हतं. याशिवाय बरेच दिवस तिला घरात एकटं ठेवलं होतं.

बाळाच्या आईने सांगितलं की, तिला मुलीच्या मृत्यूचं खूप दु:ख आहे. आई-वडिलांच्या सवयीमुळे बाळाचा जीव गेला.

बाळाच्या आईने दावा केला आहे की, घटनेच्या दिवशी सकाळच्या वेळी बाळाला दूध देण्यात आलं होतं. मात्र पोस्टमार्टम रिपोर्टमध्ये असे कोणतेही पुरावे मिळाले नाही.