Xiaomi चा 'या' स्मार्ट टीव्हीवर मिळतेय 10 हजार रुपयांची सूट; जाणून घ्या फिचर्स आणि किंमत

मोठा TV खरेदी करायचा आहे पण किंमत जास्त असल्यामुळे तो तुम्हाला खरेदी करता येत नसेल तर Xiaomi ने एक उत्तम संधी तुमच्यासाठी आणली आहे. कंपनीच्या ऑफिशियल साइटवर Mi LED TV 4 Pro (55 इंच) या टीव्हीवर 10 हजार रुपयांची भारी सूट दिली जात आहे.

कंपनीने हा टीव्ही जेव्हा लाँच केला तेव्हा त्याची किंमत 54,999 रुपये होती. त्यानंतर त्याची किंमत 47,999 अशी ठेवण्यात आली. मात्र आता Mi LED TV 4 Pro ची किंमत आणखी कमी करण्यात आली आहे. कंपनीने 10 हजार रुपये इतकी भारी सूट जाहीर केली आहे. त्यामुळे आता हा टीव्ही तुम्हाला फक्त 44,999 रुपयांत खरेदी करता येईल.

फिचर्स सांगायची झाली तर, Mi LED TV 4 Pro मध्ये 4K डिस्प्ले देण्यात आला आहे. ज्याला 'फ्रेमलेस डिस्प्ले' असं म्हटलं जातं. म्हणून हा जगातला सर्वात पातळ डिस्प्ले असलेला टीव्ही आहे असा दावा Xiaomi ने केला आहे. या टीव्हीची कॉर्नर साइड 4.9 mm ची आहे. तर क्वाड कोअरमध्ये Amlogic Cortex A53 चिपसेट बसवण्यात आला आहे.

Mi LED TV 4 Pro मध्ये 2GB रॅम आणि 8GB इंटरनल स्टोअरेज देण्यात आलं आहे. उत्तम क्वालिटीच्या आवाजासाठी यात 8 वॅटचे दोन स्पीकर्स आणि डॉल्बी ऑडिओ बसवण्यात आले आहेत.

याशिवाय कनेक्टिव्हिटीसाठी USB 2.0 पोर्ट, 3 HDMI पोर्ट, 1 AV पोर्ट आणि 1 S/PDIF पोर्ट, TV ब्लूटूथ 4.2 आणि Wifi अशी फिचर्स देण्यात आली आहेत.