चार्जिंग करताना एमआयच्या मोबाईलचा स्फोट, तुम्हीही घ्या ही खबरदारी

चीन मोबाईल कंपनी शिओमीच्या अँड्राईड स्मार्टफोन MI A1 मध्ये खराब होण्याच्या वारंवार तक्रारी समोर येत आहे. फोन चार्जिंगच्या दरम्यान MI A1 च्या बॅटरीचा स्फोट झाल्याच्या तक्रारी आल्या आहेत. एका वापरकर्त्याने शियोमीच्या MIUI फोरमवर MI A1 मध्ये स्फोट होत असल्याची तक्रार केलीये. युजरने दावा केलाय की, MI A1 फोनमध्ये आग लागली.

त्याने आपल्या तक्रारीमध्ये म्हटलंय की, MI A1 या फोनमध्ये हिटिंगची कोणतीही समस्या नव्हती. 8 महिन्यापूर्वी हा फोन खरेदी केला होता. स्फोट झाल्यानंतर फोन पूर्णपणे खराब झालाय.

या वापरकर्त्याने स्फोट झालेल्या फोनचा फोटोही शेअर केलाय. तसंच MI A1 या फोनला कधीही झोपताना आपल्या बाजूला ठेवू नका असा सल्लाही त्याने दिलाय.

कंपनीने यावर कोणतीही प्रतिक्रिया दिली नाही. पण या वापरकर्त्याच्या तक्रारीची नोंद घेतलीय.

शिओमीने मागील वर्षी आॅगस्टमध्ये MI A1 हा फोन लाँच केला होता. MI A1 च्या अपग्रेडेड Xiaomi Mi A2 मध्येही बॅटरीची समस्या असल्याची बाबसमोर आलीये. या वापरकर्त्याने बॅटरी लवकर संपत असल्याची तक्रारही केलीये.