YouTube जाहिरातींमुळे हैराण आहात का? फक्त एक काम करा अन् फ्रीमध्ये नॉनस्टॉप आनंद घ्या

सोशल मीडिया प्लॅटफॉर्म YouTube जगभरात सर्वाधिक वापरल्या जाणाऱ्या माध्यमांपैकी एक आहे. चित्रपट, नाटक, कॉमेडी, फॅशन आणि शिक्षणासोबत अनेक गोष्टींशी संबंधित व्हिडिओ यूट्यूबच्या माध्यमातून पाहता येतात.

सुरुवातीच्या काळात यूट्यूबवर व्हिडिओ पाहताना एकच जाहिरात दाखवली जायची. पण कालांतराने यूट्यूबवर जाहिरातींची संख्या वाढत आहे. अशा परिस्थितीत, तुम्ही देखील YouTube जाहिरातींमुळे त्रस्त आहात आणि जाहिरातीशिवाय व्हिडिओ पाहू इच्छित असाल तर तुम्ही योग्य ठिकाणी आला आहात. कारण, याचविषयी आपण आजच्या लेखातून माहिती घेणार आहोत.

जाहिरातींशिवाय YouTube वर व्हिडिओ पाहण्यासाठी तुम्ही प्रीमियम आवृत्ती डाउनलोड करू शकता. मात्र, यासाठी यूजर्सना काही पैसे सबस्क्रिप्शन म्हणून द्यावे लागतील.

जर तुम्ही लॅपटॉप किंवा कॉम्प्युटरमध्ये YouTube च्या माध्यमातून व्हिडिओ पाहत असाल तर सर्वप्रथम क्रोम ब्राउझरवर जा.

Chrome ब्राउझरमध्ये YouTube शोधा. यानंतर कोणताही व्हिडिओ सुरू करा.

वरील सर्च बारमधील URL वर क्लिक करून YouTube (Yout–ube) मध्ये T नंतर हायफन (–) ठेवा. आता तुम्ही कोणत्याही जाहिरातीशिवाय संगणक किंवा लॅपटॉपवरून YouTube व्हिडिओ विनामूल्य पाहू शकता.

स्मार्टफोनमध्ये जाहिरातीशिवाय यूट्यूब व्हिडिओ पाहण्यासाठी, तुमच्या क्रोम ब्राउझरवर जा. यानंतर डेस्कटॉप मोडमध्ये Chrome ब्राउझर उघडा.

डेस्कटॉप मोडमध्ये Chrome ब्राउझर उघडल्यानंतर, त्यात YouTube शोधा. YouTube मध्ये कोणताही व्हिडिओ प्ले करा. यानंतर, URL वर क्लिक करून YouTube मध्ये T नंतर हायफन टाका. अशा प्रकारे तुम्ही या स्मार्टफोनमध्ये मोफत व्हिडिओ देखील पाहू शकता.