दिवाळीच्या निमित्ताने पूर्ण करा आलिशान कार खरेदीचं स्वप्नं; 7 लाखांपेक्षा कमी किमतीत 10 गाड्या

फेस्टिव्ह सीजनमध्ये गाडी घेण्याचा विचार करत असाल, आणि बजेट 6 ते 7 लाख रुपयांपर्यंत असेल तर या गाड्यांचा नक्कीच विचार करू शकता.

Kia Sonet - 6.7 लाख रुपये - शहरातील सर्वात लोकप्रिय नवीन एसयूव्ही, किआ सोनेट आधीच काही जास्त विक्री असणाऱ्या गाड्यांना मार्केटमध्ये टक्कर देत आहे. ही गाडी इंजिन आणि ट्रान्समिशन पर्यायांसह अनेक इतर वैशिष्ट्यांसह उपलब्ध आहे.

Hyundai Venue - 6.75 लाख रुपये - हुंदाईची विक्रीही मोठ्या प्रमाणात होत असून, सोनेटहून अधिक गाड्या विकल्या जात आहे. या गाडीत आयएमटी ट्रान्समिशनसोबत इंजिनच्या पर्यायांचा समावेश असून अनेक इतर अव्वल दर्जाची वैशिष्ट्यं आहेत.

Maruti Suzuki Swift - 5.19 लाख रुपये - मारुती सुझुकी स्विफ्ट ही कंपनीची सर्वात जास्त विक्री झालेली कार आहे. या गाडीची काही वैशिष्ट्यही तिचा खप मोठ्या प्रमाणात वाढवतात. यात मॅन्युअल आणि एएमटी ट्रान्समिशन असे दोन्ही पर्याय उपलब्ध आहेत.

Maruti Suzuki Baleno - 5.63 लाख रुपये - मारुती सुझुकी बलेनो ही कंपनीची प्रीमियम हॅचबॅक असून त्यात स्विफ्टसारखीच सर्व वैशिष्ट्ये आहेत. यातसुद्धा पेट्रोल इंजिन आणि एएमटी व मॅन्युअल ट्रान्समिशन असे दोन्ही पर्याय मिळतात.

Maruti Suzuki S-Presso - 3.70 लाख रुपये - एस-प्रेसोला प्रामुख्याने मारुती सुझुकी एसयूव्ही म्हणतात. एस-प्रेसो ही मारुती सुझुकीच्या सर्वांत आरामदायी गाड्यांपैकी आहे.

Maruti Suzuki Dzire - 5.89 लाख रुपये - मारुती सुझुकी डिझायर ही सुझुकीचीच आणखी एक उत्तम गाडी आहे. स्विफ्टच्या डिझाइनवर आधारित, ही एक सेडान कार आहे.

Tata Altroz - 5.44 लाख रुपये - बलेनोचा थेट प्रतिस्पर्धी म्हणून अल्ट्रोज ही टाटा मोटर्सची प्रीमियम हॅचबॅक गाडी आहे आणि वैशिष्ट्यांच्या बाबतीत बलेनोची ती कट्टर प्रतिस्पर्धी आहे. अल्ट्रोजमध्ये पेट्रोल आणि डिझेल दोन्ही पर्याय आहेत.

Tata Nexon - 6.99 लाख रुपये - टाटाची एसयूव्ही नेक्सॉन ही थेट किआ सोनेट आणि हुंदाई वेन्यूशी स्पर्धा करते.

Honda Amaze - 6.19 लाख रुपये - होंडा अमेझ ही या यादीतील दुसरी सेडान आहे. जरी ही कमी विकली जात असली तरीही, अमेझ अनेक वैशिष्ट्यांसह उपलब्ध आहे.

Renault Triber - 5.12 लाख रुपये - रेनॉ ट्रायबरची निर्मिती जागतिक बाजारपेठेत पाठवण्यापूर्वी भारतासाठी केली गेली होती. ही एक 7-सीटर कार आहे जिची संपूर्ण बूट स्पेस 625 लिटरपर्यंत वाढवली जाऊ शकते.