काळजी करून नका! PUBG बॅन झाल्यानंतरही तुम्ही खेळू शकता, वाचा सविस्तर

चीनविरोधात भारताने कंबर कसली आहे. काही दिवसांपूर्वी गलवान खोऱ्यात झालेल्या तणावानंतर भारताने चीनच्या अनेक अॅप्सवर बंदी आणली होती. यामध्ये पबजी या अॅपचाही समावेश आहे.

हे अ‍ॅप्स नॅशनल सिक्यूरिटी किंवा युझरची माहिती लीक करत असल्यामुळे PUBGसह 118 अॅप्सवर बंदी घातली आहे. मुख्य म्हणजे PUBGचे क्लोनिंग करत असलेले PUBG लाइटही बॅन करण्यात आले आहे. मात्र असे असले तरी तुम्ही PUBG खेळू शकता.

PUBG हा गेम लहान-मुलांपासून मोठ्यांपर्यंत सर्वांच्या आवडीचा आहे. मात्र PUBG हा मुळात चायनिज गेम नाही आहे. हा गेम दक्षिण कोरियाच्या एका कंपनीने तयार केला आहे.

दक्षिण कोरियाच्या ब्ल्यूहोल कॉ. या कंपनीने बॅटल गेम तयार करणार ब्रेंडन ग्रीनकडून 2016मध्ये एक गेम तयार करून घेतला. ब्रेंडनने याआधी जपानी बॅटल गेम तयार केला होता.

तशाच धर्तीवर 2017मध्ये मार्केटमध्ये आला PLAYER UNKNOWN’S BATTLEGROUNDS म्हणजेच PUBG.

रिलीज झाल्यानंतर हा गेम तुफान प्रसिद्ध झाला. त्यानंतर ब्ल्यूहोल कॉ. या कंपनीने आपले नाव बदलून पब्जी कॉ. असे केले. त्यानंतर एका चिनी कंपनीला हा गेम आवडला आणि त्यांनी आपल्या पद्धतीने हा गेम तयार करण्यासाठी पब्जी कॉ. कडून या गेमचे 11% हिस्सा खरेदी केला. ही कंपनी आहे टेन्सेंट (Tencent).

पब्जी हा गेम सर्वात आधी डेक्सटॉप म्हणजे कम्प्यूटरवर खेळला जात होता. मात्र टेन्सेंटने 2018मध्ये पब्जीचे मोबाइल व्हर्जेन लॉंच केले. यानंतर मोबाइलवरचा गेम भारतासह इतर सर्वच देशांमध्ये प्रसिद्ध झाला. त्यामुळे मोबाइलवरचा गेम हा टेन्सेंट कंपनीच्या नावावर आहे.

त्यामुळे भारतातून पब्जी गेम बॅन झाला असला तरी कम्प्यूटवरून हा गेम खेळू शकता. कारण ते व्हर्जेन पब्जी कॉ. या दक्षिण कोरियन कंपनीच्या नावावर आहे.

PUBG गेम मोबाइलवरून फ्री होता. मात्र कम्प्यूटरवरून खेळण्यासाठी तुम्हाला 999 रुपये भरावे लागतात. यासाठी तुम्हाला Core i5-4430 किंवा AMD FX-6300 प्रोसेसर असलेल्या 8GB of RAM पीसीची गरज असेल.

जर तुमचा पीसी 8GB of RAMचा नसेल तर तुम्ही PUBG लाइट पीसीच्या माध्यमातून खेळू शकता. PUBG लाइटमध्ये ग्राफिक्स क्वालिटी कमी मिळते. मात्र तुम्ही हा गेम खेळण्याचा आनंद नक्की घेऊ शकता.