NASAच्या शास्त्रज्ञांनी चंद्रावरून आणलेल्या मातीत वाढवली रोपटी, पुढे काय होणार?

चंद्रावरून आणलेल्या धूळ आणि मातीत शास्त्रज्ञांनी वनस्पती वाढवल्या आहेत. हा मानव इतिहासातील आणि चंद्रावरील केल्या जात असलेल्या सर्व संशोधनातील पहिला मैलाचा दगड आहे.

फ्लोरिडा विद्यापीठातील इन्स्टिट्यूट ऑफ फूड अँड अॅग्रिकल्चरल सायन्सेसचे रॉबर्ट फेरेल म्हणाले, "अपोलो चंद्र रेगोलिथमध्ये उगवलेली वनस्पती ट्रान्सक्रिप्टोम्स सादर करते, जे चंद्रावर होत असलेल्या सर्व संशोधनांना नवीन सकारात्मक दिशा देत आहेत." हे सिद्ध करतं की, चंद्राच्या मातीत रोपे यशस्वीरित्या अंकुरित होऊ शकतात आणि वाढू शकतात.

रॉबर्ट फेरेल आणि त्यांच्या सहकाऱ्यांनी अपोलो 11 च्या नील आर्मस्ट्राँग आणि बझ आल्ड्रिन आणि इतर मूनवॉकर्सने आणलेल्या चंद्राच्या मातीत अरबीडोप्सिसच्या बिया लावल्या. त्यात सर्व बिया अंकुरल्या.

चंद्राची माती, ज्याला चंद्र रेगोलिथ देखील म्हणतात, पृथ्वीवर आढळणाऱ्या मातीपेक्षा मूलभूतपणे भिन्न आहे. अपोलो 11, 12 आणि 17 मोहिमेदरम्यान, चंद्रावरून माती आणण्यात आली होती, ज्यामध्ये रोपे लावण्यात आली होती.

विशेष म्हणजे अंतराळात काहीतरी वाढवण्याचा चीनचा हा पहिलाच प्रयत्न नव्हता. जानेवारी 2019 मध्ये, जेव्हा चीनचे चांगई-4 अंतराळ यान चंद्राच्या पृष्ठभागावर पोहोचले, तेव्हा त्यांनी सोबत कापूस बियाणे घेतलं होतं. त्यामुळे आता ही शक्यता आता फार दूरची राहिलेली नाही.

पहिल्यांदाच चंद्रावरील मातीत वनस्पती उगवण्यात आली आहे. चीनच्या नॅशनल स्पेस अॅडमिनिस्ट्रेशनने म्हटलं आहे की, चांगई-4 मोहिमेनं कापसाचे रोप वाढवण्यात यश मिळवलं आहे.