DSLR ला विसराल; Mi 11 Ultra फोनला 50 MP ट्रिपल कॅमेरा, फोनच्या मागेही मिळेल डिस्प्ले, काय आहे किंमत

शाओमीने (Xiaomi) Mi 11 सीरीजचे तीन स्मार्टफोन Mi 11X Pro, Mi 11 X आणि Mi 11 Ultra लाँच केले आहेत. यात सर्वात महाग आणि प्रीमियम फोन Mi 11 ultra आहे. कंपनीने भारतात Mi 11 Ultra सिंगल वेरिएंट 12GB RAM+256GB स्टोरेजमध्ये लाँच केला आहे. या फोनची किंमत 69,999 रुपये आहे. सध्या कंपनीने या फोनच्या विक्रीबाबत कोणतीही माहिती दिलेली नाही.

Mi 11 Ultra फोनला 6.8 इंची 120Hz OLED डिस्प्ले देण्यात आला आहे. तसंच Qualcomm Snapdragon 888 प्रोसेसर आहे. 12GB रॅम आणि 256GB स्टोरेज वेरिएंट देण्यात आलं आहे.

Mi 11 Ultra फोनच्या मागे एक छोटी स्क्रिन देण्यात आली आहे, जी 1.1 इंची आहे. ही स्क्रिन OLED पॅनलसह येते. युजर्स याला सेल्फी क्लिक करण्यासाठी व्ह्यू फाइंडर म्हणून वापरू शकतात. हा ऑनवेज ऑन डिस्प्ले आहे, जिथे क्लॉक आणि नोटिफिकेशन्स मिळतील.

या स्मार्टफोनला आतापर्यंतचा सर्वात मोठा कॅमेरा बंप दिसतो आहे. फोनला तीन रियर कॅमेरा सेटअप देण्यात आला आहे. यात 50 मेगापिक्सलचा प्रायमरी सेंसर, 48 मेगापिक्सलचा अल्ट्रा वाईड सेंसर आणि 5x पेरीस्कोप सेंसर देण्यात आला आहे.

Mi 11 Ultra फोनला 5,000mAh बॅटरी, फास्ट चार्जिंग 67W सपोर्ट देण्यात आला आहे. फोन रिवर्स वायरलेस चार्जिंगलाही सपोर्ट करतो, जो 10W आहे. फोनसोबत 55W फास्ट चार्जर देण्यात आला आहे.