...तर Facebook आणि Instagram बंद होणार, Meta समस्येत; वाचा काय आहे कारण

Meta साठी समस्या वाढत असल्याचं चित्र आहे. त्यामुळे कंपनी आपल्या Facebook आणि Instagram सारख्या सेवा बंद करू शकते.

Mark Zuckerberg ची कंपनी Meta साठी युरोपात काम करणं कठीण होऊ शकतं. रिपोर्ट्सनुसार, कंपनी Facebook आणि Instagram सारख्या आपल्या सेवा युरोपात बंद करू शकते. पाहा काय आहे कारण ....

रिपोर्ट्सनुसार, Meta ने आपल्या अॅन्युअल रिपोर्टमध्ये सांगितलं, की जर कंपनीला आपल्या युरोपीय युजर्सचा डेटा अमेरिका बेस्ड सर्वर्सवर ट्रान्सफर, स्टोर आणि प्रोसेस करण्याचा पर्याय मिळाला नाही, तर युरोपात Facebook आणि Instagram सारख्या सेवा बंद केल्या जाऊ शकतात.

युरोपात सध्या डेटा ट्रान्सफरसाठी अनेक पाऊलं उचलली जात आहेत.

आतापर्यंत कंपन्यांना Privacy Shield आणि इतर मॉडेल अॅग्रीमेंट्सद्वारे डेटा ट्रान्सफरचा पर्याय मिळत होता. Meta याच मदतीने युरोपीय युजर्सचा डेटा अमेरिकी सर्वर्सवर स्टोर करत होता. परंतु मागील काही दिवसांपासून या कायदा अमान्य करण्यात आला आहे.

मीडिया रिपोर्ट्सनुसार, युएस सिक्योरिटीज आणि एक्सचेंज कमीशनला आपल्या लेटेस्ट रिपोर्टमध्ये Meta ने दिलेल्या माहितीनुसार, एक नवं फ्रेमवर्क तयार केलं गेलं नाही किंवा त्यांना सध्याचं मॉडेल वापरु दिलं नाही, तर कंपनी युरोपात Facebook आणि Instagram सारख्या सेवा देऊ शकत नाही.

याआधी युरोपीय डेटा अमेरिकी सर्वर्सवर ट्रान्सफर करण्यासाठी कंपन्या Privacy Shield कायद्याचा वापर करत होत्या. परंतु जुलै 2020 मध्ये युरोपीय कोर्टने याला रद्द केलं होतं.