Maruti Suzuki च्या 'या' गाड्यांवर 50000 रुपयांहून अधिक बंपर डिस्काउंट

भारतातील सर्वात मोठी कार निर्माता कंपनी मारुती सुझुकी (Maruti Suzuki) फेस्टिव्ह सीजनमध्ये ग्राहकांना डिस्काउंट ऑफर करत आहे. अनेक जण सणाच्या काळात गाडी खरेदी करणं पसंत करतात. त्यामुळे फेस्टिव्ह सीजनमध्ये, कंपनीने प्रीमियम ते बजेट सेगमेंटपर्यंत अनेक गाड्यांवर ऑफर्स जाहीर केल्या आहेत. काही गाड्यांवर 50 हजारहून अधिक डिस्काउंट देण्यात येत असून या ऑफर्स केवळ या महिन्यापर्यंतच आहेत.

मारुती डिजायर (प्री-फेसलिफ्ट) - कंपनीने काही दिवसांपूर्वी या कारचं फेसलिफ्ट व्हर्जन लाँच केलं होतं. या महिन्यात प्री फेसलिफ्ट व्हर्जन गाडी खरेदी केल्यास, 57000 रुपयांपर्यंतची बचत करता येणार आहे. तर फेसलिफ्ट व्हर्जनवर 42000 रुपयांची बचत होऊ शकते.

मारुती सियाज (Maruti Ciaz) - ही कार या खरेदी करणं फायद्याचा ठरू शकतं. या कारवर ऑक्टोबर 2020 मध्ये 59,200 रुपयांची तगडी बचत करू शकता. या कारच्या टॉप ट्रीम खरेदीवर 49,200 रुपयांचा डिस्काउंट मिळतो आहे.

मारुती एस-प्रेसो (Maruti S-Presso) - कंपनीची ही छोटी एसयूव्ही कार गेल्या वर्षी लाँच करण्यात आली होती. ही कार या महिन्यात 52000 रुपयांच्या डिस्काउंटमध्ये खरेदी करता येणार आहे.