IRCTC वर असं बुक करा तात्काळ तिकीट, पाहा सोपी प्रोसेस

तात्काळ तिकीट काही वेळातच संपत असल्याने अनेकांना कन्फर्म सीट न मिळाल्याची समस्या येते. परंतु काही टिप्स फॉलो करुन तुम्ही तात्काळ तिकीट बुक करू शकता आणि कन्फर्म तिकीटही मिळवू शकता.

IRCTC App डाउनलोड केल्यानंतर लॉगइन करा. लॉगइन झाल्यानंतर App खाली My Account ऑप्शन दिसेल. त्यावर क्लिक करा.

त्यानंतर My Master List ऑप्शन सिलेक्ट करा.

इथे टॉपला डाव्या बाजूला Add Passenger ऑप्शनवर क्लिक करा आणि सर्व पॅसेंजर्सची नावं Add करा, ज्यांचं तिकीट बुक करायचं आहे.

तात्काळ तिकीट बुकिंग AC कोचसाठी सकाळी 10 वाजल्यापासून आणि नॉन-एसीसाठी 11 वाजल्यापासून सुरू होतं.

तात्काळ तिकीट बुक करताना दोन ते तीन मिनिटं आधीच App मध्ये लॉगइन करा. त्यानंतर स्टेशन, डेट आणि ट्रेन सिलेक्ट करा. टाइम सुरू झाल्यानंतर लगेच तिकीट बुक करा. जिथे तुम्हाला पॅसेंजर डिटेल्स टाकायचे आहेत, तिथे तुम्ही Add Existing ऑप्शनवर क्लिक करुन My Master List मध्ये पॅसेंजर Add करू शकता. यामुळे वेळेची बचत होईल.

त्यानंतर पेमेंटवेळी UPI चा वापर करुन आणखी वेळ वाचेल आणि कन्फर्म तात्काळ तिकीट बुक करू शकता.