Facebook Messenger चं नवीन फीचर, आपोआप होतील मेसेज डिलीट; असं करेल काम

फेसबुकने आपल्या अधिकृत ब्लॉगमध्ये म्हटले आहे की, 'फेसबुक मेसेंजरमध्ये व्हॅनिश मोड फीचर युजर्सना देण्यास आम्ही खूप उत्सूक आहोत. या अंतर्गत आपण असे मेसेज पाठवू शकाल जे स्वतःहून डिलीट होतील. जेव्हा तुम्ही मेसेज चॅट बॉक्समध्ये बघाल आणि चॅट बॉक्समधून बाहेर पडाल लगेच हे मेसेज गायब होतील.

मेसेंजरचा व्हॅनिश मोड वापरणं खूप सोपं आहे. अपडेट केल्यानंतर, आपण ज्या नॉर्मल मेसेंजर चॅटबॉक्समध्ये आहात तिथून थ्रेड स्वाईप करून आपण व्हॅनिश मोडमध्ये प्रवेश करू शकता. पुन्हा स्वाइप अप केल्यानंतर नॉर्मल मोडमध्ये परत येता येतं. फेसबुक मेसेंजरच्या व्हॅनिश मोडमध्ये केवळ मजकूरच नाही तर जीआयएफ, स्टिकर्स आणि फोटोदेखील डिलीट होऊ शकतात. असंच एक वैशिष्ट्य व्हॉट्सअ‍ॅपवरही उपलब्ध आहे, जे 7 दिवसांनंतर संदेश स्वतःहून हटवतं.

फेसबुकने म्हटले आहे की मेसेंजरमध्ये असलेल्या दोन व्यक्तीच त्याचा वापर करू शकतात. एखाद्याशी संपर्क साधताना आपण व्हॅनिश मोडमध्ये प्रवेश करायचा की नाही हे देखील आपण ठरवू शकता जर कोणी व्हॅनिश मोडमध्ये चॅटचा स्क्रीनशॉट घेतला तर आपल्याला एक सूचनादेखील मिळेल.

फेसबुकचा हा व्हॅनिश मोड सर्वप्रथम मेसेंजरमध्ये देण्यात आला आहे. यानंतर, कंपनी ते इंस्टाग्रामसाठी देखील उपलब्ध करून देणार आहे.