Boatनं लाँच केलं जबदार स्मार्टवॉच, 10 दिवसांची बॅटरी लाइफ अन् 100 स्पोर्ट्स मोड, वाचा किंमत

BoAt नं आपलं BoAt Wave Ultima स्मार्टवॉच भारतात लॉन्च केलं आहे. या स्मार्टवॉचमध्ये ब्लूटूथ कॉलिंगसह कर्व्ह आर्क डिस्प्ले आहे, जो क्रॅक रेसिस्टेंट प्रोटेक्शनसह येतो. वेव्ह अल्टिमा स्मार्टवॉच ब्लूटूथ v5.3 चिपसेटसह सुसज्ज आहे आणि मायक्रोफोनसह बिल्ट-इन एचडी स्पीकरसह ब्लूटूथ कॉलिंग ऑफर करते. या स्मार्टवॉचमध्ये 100 हून अधिक स्पोर्ट्स मोड आहेत, ज्यामध्ये ऑटो वर्क-आउट डिटेक्शन आणि एक्टिव्ह स्पोर्ट्स जसे की योगा, पोहणे, चालणे, धावणे इ. समावेश आहे.

BoAt Wave Ultima स्मार्टवॉच भारतात 2,999 रुपयांना उपलब्ध आहे. कंपनीने याला तीन कलर व्हेरियंटमध्ये सादर केले आहे. हे रिअल ग्रीन, रेजिंग रेड आणि अॅक्टिव्ह ब्लॅक कलरमध्ये विकले जात आहे. ग्राहक ते BoAt च्या अधिकृत वेबसाइट आणि Flipkart वरून खरेदी करू शकतात.

BoAt Wave Ultima मध्ये 1.8-इंच डिस्प्ले आहे ज्यामध्ये 500 एज-टू-एज ऑल्वेज ऑन वक्र आर्क डिस्प्ले आहे. BoAt च्या मते, या स्मार्टवॉचचा यूजर इंटरफेस बोल्ड, वायब्रंट आणि हाय रिस्पॉन्सिव्ह आहे. याशिवाय, ब्लूटूथ कॉलिंग स्मार्टवॉच स्किन फ्रेंडली सॉफ्ट सिलिकॉन स्ट्रिप्ससह येते. स्मार्टवॉचमध्ये मोठा हलका अॅल्युमिनियम मिश्र धातुचा स्क्वेअर डायल देण्यात आला आहे.

हेल्थ मॉनिटरिंगसाठी स्मार्टवॉचमध्ये हर्ट रेट स्पीड मॉनिटर, रक्तातील ऑक्सिजन पातळी, स्ट्रेस मॉनिटर अशी वैशिष्ट्ये उपलब्ध आहेत. BoAt Wave Ultima मध्ये फ्लॅशलाइट, म्युझिक कंट्रोल, फाइंड माय फोन, DND, वर्ल्ड क्लॉक, स्टॉपवॉच, वेदर फोरकास्ट यांसारख्या वैशिष्ट्यांसह सुसज्ज आहे.

याशिवाय, युजर्स घड्याळाचा मेनू कस्टमाइझ करू शकतात आणि त्यांच्या आवडीची रिंगटोन निवडू शकतात. BoAt चे हे घड्याळ IP68 डस्ट, स्वेट आणि स्प्लॅश रेसिस्टंट बॉडीसह येतात. कंपनीचा दावा आहे की हे घड्याळ सामान्य वापरात 10 दिवस बॅटरी लाईफ देते. त्याच वेळी, ब्लूटूथ कॉलिंगमध्ये ते 3 दिवस टिकते.