दुचाकीस्वाराला वाचवण्याच्या नादात 'विठाई' उतरली नाल्यात, पाहा हे PHOTOS

विरुद्ध दिशेने येणाऱ्या दुचाकीस्वाराला वाचवण्याच्या नादात नियंत्रण सुटल्याने एसटी महामंडळाची 'विठाई' बस नाल्यात उतरली. सुदैवाने यात कोणतीही जीवितहानी झाली नाही. मात्र, 14 प्रवासी किरकोळ जखमी झाले.

ही घटना शुक्रवारी आज सायंकाळी सहा वाजताच्या सुमारास गडचिरोली-चामोर्शी मार्गावरील येवली गावानजीकच्या नाल्यावर घडली.

गडचिरोली आगाराची आष्टी-गडचिरोली ही विठाई बस प्रवासी घेऊन गडचिरोलीकडे येत होती.

येवली जवळील नाल्यावर विरुद्ध दिशेने येणाऱ्या दुचाकीस्वाराची बसला धडक बसणार होती.

तेवढ्यात बस चालकाने दुचाकीस्वाराला वाचविले. मात्र, बसवरील नियंत्रण सुटल्याने बस थेट नाल्यात उतरली. त्यामुळे बसमध्ये असलेल्या 14 प्रवाशांना किरकोळ इजा झाली.

तर दुचाकीस्वारही घसरून पडल्याने त्यालाही किरकोळ दुखापत झाली आहे. घटनेनंतर सर्व प्रवाशांना सुखरुप बाहेर काढण्यात आले. घटनेची माहिती पोलिसांना मिळताच गडचिरोली पोलीस घटनास्थळाकडे रवाना झाले.