IND vs ENG : चहलचा विक्रम, बुमराहला मागे टाकलं, हा रेकॉर्ड करणारा पहिला भारतीय

इंग्लंडविरुद्धच्या पहिल्या टी-20 मॅचमध्ये टीम इंडियाचा (India vs England) 8 विकेटने पराभव झाला. या मॅचमध्ये भारतीय बॅट्समन आणि बॉलरनी निराशाजनक कामगिरी केली. भारताचा लेग स्पिनर युझवेंद्र चहलने (Yuzvendra Chahal) जॉस बटलरची विकेट घेतली, पण तोही महागडा ठरला. चहलने 4 ओव्हरमध्ये 44 रन दिले. पण भारताकडून टी-20 आंतरराष्ट्रीय मॅचमध्ये सर्वाधिक विकेट घेण्याचा विक्रम चहलने केला आहे.

युझवेंद्र चहलने 46 टी-20 आंतरराष्ट्रीय मॅचमध्ये 60 विकेट घेतल्या आहेत. त्याने बुमराहला (Jasprit Bumrah) मागे टाकलं आहे. वैयक्तिक कारणामुळे बुमराहने या सीरिजमधून माघार घेतली. बुमराहने 50 मॅचमध्ये 59 विकेट घेतल्या. तिसऱ्या क्रमांकावर रवीचंद्रन अश्विन आहे, त्याने 46 मॅचमध्ये 52 विकेट मिळवल्या.

या मॅचमध्ये पहिले बॅटिंग करत टीम इंडियाला 20 ओव्हरमध्ये 124 रनच करता आले. श्रेयस अय्यरने सर्वाधिक 67 रन केले. या आव्हानाचा पाठलाग इंग्लंडने 15.3 ओव्हरमध्ये 2 विकेट गमावून केला.

5 मॅचच्या या सीरिजमध्ये इंग्लंडने 1-0 ची आघाडी घेतली आहे. सीरिजची दुसरी मॅच 14 मार्चला याच मैदानात होणार आहे. या मॅचसाठी रोहित शर्माचं (Rohit Sharma) टीममध्ये पुनरागमन होऊ शकतं.