WTC Final : पुजाराने 36 व्या बॉलला काढली पहिली रन, सोशल मीडियावर मीम्सचा पाऊस

भारताचा दिग्गज क्रिकेटपटू चेतेश्वर पुजारा (Cheteshwar Pujara) त्याच्या संयमी खेळासाठी प्रसिद्ध आहे. वर्ल्ड टेस्ट चॅम्पियनशीपच्या फायनलमध्येही (World Test Championship Final) त्याने याची झलक दाखवली. 36 व्या बॉलवर पुजाराने पहिली रन काढली, यानंतर सोशल मीडियावर चाहत्यांनी त्याला ट्रोल करायला सुरुवात केली.

चेतेश्वर पुजाराची संथ खेळी पाहून अनेकांनी सोशल मीडियावर मीम्स बनवले. पुजारा जेव्हा क्रीजवर होता, तेव्हा नॉन-स्ट्रायकर एण्डला विराट होता, पण यूजर्सनी त्याचे जुने फोटो शेयर केले.

एकाने तर लोकप्रिय टीव्ही कार्यक्रम तारक मेहता का उल्टा चष्माचा एक सीन शेयर करत मीम तयार केलं.

पुजाराने 36 व्या बॉलला पहिली रन काढली आणि नील वॅगनरला (Neil Wagner) फोर मारली. काहींनी त्याची तुलना राहुल द्रविडशीही केली. द्रविडही टेस्ट क्रिकेटमध्ये धीम्या गतीने रन काढायचा.

ऍडलेड टेस्टमध्ये 36 रनवर टीम इंडिया ऑल आऊट झाली, त्यामुळे एकाने त्या 36 रनची आठवण करून दिली.

पुजाराने सुरुवातीच्या 35 बॉलवर एकही रन काढली नाही, यानंतर 36 व्या बॉलला फोर मारली. यानंतर एका युजरने मीम शेयर करत अंपायरवर जळमटं बसल्याचं दाखवलं. बराच काळ काहीही न करता एकाच ठिकाणी उभं राहिल्यामुळे अंपायरच्या अंगावर जळमटं चिकटल्याचं या यूजरला सांगायचं होतं.