सर्वात श्रीमंत महिला क्रिकेटर, घटस्फोटानंतर वयाने लहान खेळाडूला करतेय डेट

क्रिकेटमध्ये पुरुष क्रिकेटर्ससोबत महिला क्रिकेटरसुद्धा मोठी कमाई करतात. महिला प्रीमियर लीगमध्ये महिला क्रिकेटर्सच्या कमाईत मोठी वाढ झालीय. ऑस्ट्रेलियाची अनुभवी क्रिकेट एलिस पेरी जगातील सुंदर महिला क्रिकेटर्सपैकी एक आहे. तसंच सर्वात श्रीमंत महिला क्रिकेटरसुद्धा आहे. पेरीची एकूण संपत्ती १४ मिलियन म्हणजेच जवळपास ११५ कोटी रुपये इतकी आहे.

एलिस पेरी तिच्या वैयक्तिक आयुष्याबाबत फारसं बोलत नाही. मात्र तिच्या चाहत्यांना याबाबत उत्सुकता असते. आता पुन्हा एकदा एलिस पेरी रिलेशनशिपमध्ये अशल्याचं म्हटलं जातंय. २०२० मध्ये ती पती रग्बीपटू मॅट टुमुआपासून विभक्त झाली होती. एलिस आणि मॅट यांनी डिसेंबर २०१५ मध्ये लग्न केलं होतं. दोघांच्या घटस्फोटाचं कारण मात्र गुलदस्त्यातच आहे.

घटस्फोटानंतर आता एलिस पेरीच्या नव्या रिलेशनशिपची चर्चा होत आहे. ती पुन्हा एकदा फुटबॉल प्लेअरला डेट करत असल्याचं म्हटलं जातंय. २०२१ मध्ये भेटलेला हा फुटबॉलपटू एलिस पेरीपेक्षा एक वर्ष लहान असून त्याचं नाव एलएफ स्टार नॅट फाइफ आहे.

महिला बीग बॅश लीगवेळी एलिस पेरीला चीअर करण्यासाठी नॅट फाइफ पोहोचला होता. त्याचे फोटो आणि व्हिडीओ व्हायरल झाले होते.

हॉर्थोर्नविरुद्ध नॅट फाइफच्या २००व्या सामन्यानंतर एलिस पेरीसुद्धा डॉकर्स चेंजरूममध्ये दिसली होती. २०२२ मध्ये ऑस्ट्रेलियन माध्यमात दोघेही चांगले मित्र असल्याचं वृत्त आलं होतं.

एलिस पेरी सध्या महिला प्रीमियर लीगमध्ये आरसीबीकडून खेळत आहे. तसंच एलिस पेरी सहा वेळा वर्ल्ड कप जिंकणाऱ्या ऑस्ट्रेलियन संघात होती. एलिस पेरीने ऑस्ट्रेलियाकडून ८ वेळा महिला टी२० वर्ल्ड कपमध्ये भाग घेतला आहे.

एलिस पेरी वर्ल्ड चॅम्पियन संघात आठ स्पर्धांमध्ये खेळलीय. एकूण कारकिर्दीत तिने ८ वर्ल्ड कपही जिंकले आहेत. ६ वेळा टी२० वर्ल्ड कप तर दोन वेळा एकदिवसीय वर्ल्ड कप जिंकणाऱ्या ऑस्ट्रेलियन संघाची ती सदस्य होती.याशिवाय २०२२ च्या कॉमनवेल्थ गेम्समध्ये गोल्ड मेडल जिंकणाऱ्या संघातही एलिस पेरी होती.

एलिस पेरीने फक्त क्रिकेटच नव्हे तर फुटबॉलमध्येही ऑस्ट्रेलियाचं नाव मोठं केलंय. वयाच्या १६ व्या वर्षी राष्ट्रीय क्रिकेट संघ आणि फुटबॉल संघ दोन्हीतून तिने पदार्पण केलं.आयसीसी आणि फिफा वर्ल्ड कप दोन्ही खेळणारी ती पहिली खेळाडू आहे. एलिस पेरी अष्टपैलू क्रिकेटर आहे.