भारताला वर्ल्ड चॅम्पियन बनवणाऱ्या क्रिकेटरला केलं क्लीन बोल्ड, कोण आहे सिमरन खोसला?

टीम इंडियाला आपल्या नेतृत्वात अंडर-19 वर्ल्ड कप जिंकवून देणाऱ्या उन्मुक्त चंद याने फिटनेस आणि न्युट्रीशन कोच सिमरन खोसलासोबत लग्न केलं आहे. बराच काळ रिलेशनशीपमध्ये राहिल्यानंतर उन्मुक्तने रविवारी सिमरनसोबत सात फेरे घेतले. (Photo- buttlikeanapricot)

सिमरन खोसलाचं इन्स्टाग्राम अकाऊंट buttlikeanapricot या नावाने आहे. याच नावाने सिमरनची न्युट्रीशन कंपनीही आहे, तीच कंपनीची फाऊंडर आणि मालक आहे. सिमरन नेहमीच सोशल मीडियावर तिच्या वर्क आऊटचे फोटो आणि व्हिडिओ टाकत असते. तिचे इन्स्टाग्रामवर जवळपास 72 हजार फॉलोअर्स आहेत. (Photo- buttlikeanapricot)

सिमरन खोसलाने तिच्या इन्स्टाग्राम बायोमध्ये तिचा व्यवसाय फिटनेस आणि स्पोर्ट्स न्युट्रीशनिस्ट असा लिहिला आहे. तसंच ती लाईफस्टाईल कोचही आहे. याशिवाय तिने वेगवेगळ्या मॅरेथॉनमध्येही भाग घेतला आहे. 2019 साली सिमरनला आंतरराष्ट्रीय पुरस्कारही मिळाला आहे. याचा उल्लेख तिने बायोमध्ये केला आहे. (Photo- buttlikeanapricot)

सिमरन खोसलाचा पती उन्मुक्त चंदने काहीच महिन्यांपूर्वी वयाच्या 28 व्या वर्षीच भारतीय क्रिकेटला अलविदा केलं. तो आता अमेरिकेमध्ये क्रिकेट खेळत आहे. निवृत्तीनंतर उन्मुक्त चंद भारत सोडून अमेरिकेत क्रिकेट खेळण्यासाठी गेला. अमेरिकन क्रिकेट लीगमध्ये तो सिलिकॉन व्हॅली स्ट्रायकर्ससोबत खेळत आहे. (Photo- buttlikeanapricot)

उन्मुक्त चंदने या महिन्याच्या सुरुवातीला ऑस्ट्रेलियाच्या बिग बॅश लीगमध्ये खेळण्याचा निर्णय घेतला. त्याने बीबीएलची टीम मेलबर्न रेनेगेड्ससोबत करार केला आहे. बिग बॅश लीगमध्ये खेळणारा तो पहिला भारतीय पुरुष खेळाडू असेल. (Photo- buttlikeanapricot)

सिमरन खोसला फिटनेस आणि न्युट्रीशन कोचसोबतच उत्तम डान्सरही आहे. सोशल मीडियावर तिने अनेक गाण्यांवर डान्स करतानाचे व्हिडिओ टाकले आहेत. (Photo- buttlikeanapricot)