Farmers Protest : रिहानाच्या ट्विटमुळे भारतात वादळ, क्रिकेटशी आहे नातं

आंतरराष्ट्रीय पॉप स्टार रिहानाने भारतात सुरू असलेल्या शेतकरी आंदोलनावर ट्विट केल्यामुळे मोठा वाद निर्माण झाला आहे. भारतातल्या शेतकरी आंदोलनाला समर्थन करणारं ट्विट केल्यामुळे भारतातल्या अनेक सेलिब्रिटींनी तिच्यावर टीका केली आहे, यामध्ये भारतीय क्रिकेटपटूंचाही समावेश आहे. पण रिहाना आणि क्रिकेटचं नातं जुनं आहे. (badgalriri/Instagram)

पॉप स्टार रिहाना वेस्ट इंडिजचे क्रिकेटपटू क्रेग ब्रॅथवेट आणि कार्लोस ब्रॅथवेट यांच्यासोबत शाळेत एकाच वर्गात शिकली आहे. 2019 वर्ल्ड कप दरम्यान रिहाना श्रीलंकेविरुद्धच्या मॅचवेळी वेस्ट इंडिजला पाठिंबा देण्यासाठी स्टेडियममध्ये पोहोचली होती. त्यावेळी रिहानाने वेस्ट इंडिजच्या टीमसोबत वेळ घालवला आणि फोटोही काढले. (Windies Cricket/Twitter)

रिहाना आणि कार्लोस ब्रॅथवेट पहिली ते चौथीपर्यंत एकत्र शिकले. कार्लोस आणि रिहाना यांनी बारबाडोसच्या कोम्बरमेरे स्कूलमध्ये शिक्षण घेतलं. (KKR/Twitter)

रिहाना वेस्ट इंडिजच्या टेस्ट टीमचा ओपनर क्रेग ब्रॅथवेटसोबतही शिकली आहे. रिहाना आणि क्रेग यांच्यात लहानपणापासूनच खास नातं होतं. शाळेच्या दिवसात या दोघांनी एकमेकांना डेट केल्याचंही बोललं जातं. (ICC/Twitter)

क्रेग ब्रॅथवेट शाळेत असताना लाजाळू असल्यामुळे बाकीचे विद्यार्थी त्याला त्रास द्यायचे, तेव्हा रिहाना क्रेगच्या मदतीला धावून जायची. (badgalriri/Instagram)

रिहाना क्रेग ब्रेथवेटपेक्षा चार वर्ष मोठी होती, पण कायमच ती क्रेगला मदत करायची. एवढच नाही, तर क्रेगला त्रास देणाऱ्या मुलांसोबत ती हाणामारीही करायची. (badgalriri/Instagram)

तर कार्लोस ब्रॅथवेट आणि रिहानाही एकत्र शिकले आहेत. डान्समध्ये आपण रिहानाचा पराभव करू, असं कार्लोस एका मुलाखतीमध्ये म्हणाला होता. ज्या शाळेत कार्लोस आणि रिहाना शिकले, त्या शाळेने वेस्ट इंडिजला बरेच क्रिकेटपटू दिले. (badgalriri/Instagram)

रिहानाने याआधीही अनेक सामाजिक आणि आंतरराष्ट्रीय मुद्द्यांवर आवाज उठवला आहे. रिहानाने म्यानमारमधल्या परिस्थितीवरही ट्विट केलं होतं. तसंच 2012 साली तिने क्लारा लॉयनेल फाऊंडेशनची स्थापना केली होती. जगभरात शिक्षण आणि इतर कामांसाठी ही संस्था काम करते. (badgalriri/Instagram)

रिहानाचा जन्म 20 फेब्रुवारी 1988 साली बारबाडोसच्या सेन्ट मायकलमध्ये झाला. तिचं नाव रॉबिन रिहाना फेंटी आहे. लोकप्रिय अमेरिकन पॉप स्टार असणाऱ्या रिहानाने कोरोना व्हायरसविरुद्धच्या लढाईत कोट्यवधी रुपये दान केले आहेत. रिहाना कौटुंबिक हिंसाचाराच्या पीडितांनाही मदत करते. (badgalriri/Instagram)

रिहानाची संपत्ती 60 कोटी अमेरिकन डॉलर म्हणजेत जवळपास 44 अरब रुपये आहे. आतापर्यंत रिहानाला 9 ग्रॅमी पुरस्कार मिळाले आहेत. तसंच तिने 13 अमेरिकन म्युजिक अवॉर्ड, 12 बिलबोर्ड म्युजिक अवॉर्ड आणि 6 गिनीज वर्ल्ड रेकॉर्डही पटकावले आहेत. रिहानाला असोसिएशन फॉर द ऍडव्हान्समेंट ऑफ कर्लड पिपल इमेज अवॉर्डनेही सन्मानित करण्यात आलं आहे. (badgalriri/Instagram)